Pétur segir að sigur Guðlaugs gæti bjargað VG: „Það eina sem getur bjargað þessum flokki“

„Merki­legt að lesa inn ein­hver mörk hjá Katrínu. Hún ber Bjarna og Sjálf­stæð­is­flokk­inn til valda og á svo allt í einu að stappa niður fæt­inum og segja nei, takk við Guðlaugi Þór. Hún er sem sé til í fara út í mýri með Vg en er þar voða kresin á í hvaða poll hún stígur. Mér finnst þetta ekki merki­leg frétta­skýr­ing.“

Þetta skrifar Gunnar Smári Egilsson, fjöl­miðla­maður og sós­í­alisti, í athuga­semd við færslu Einars Stein­gríms­sonar stærð­fræð­ings á Facebook. Einar hafði hrósað frétt Vísis þar sem greint var frá því að ef Guð­laugur Þór hefði betur gegn Bjarna Bene­dikts­syni og yrði næsti for­maður Sjálf­stæð­is­flokks­ins, þá væri rík­is­stjórnin lík­lega úr sög­unni.

Pétur Tyrf­ings­son, sál­fræð­ingur og fyrr­ver­andi for­maður Sál­fræð­inga­fé­lags Íslands, tekur undir með Gunnari Smára en segir for­manns­kosn­ing­arnar vera dauða­tæki­færi fyrir Katrínu og VG að bjarga flokknum frá glötun. Pétur segir þetta raunar vera síð­asta séns fyrir Vinstri græna til að koma ganga frá þessu sam­starfi með nokk­urri reisn.

Pétur skrifar: „Gunnar Smári Egilsson Þarna hitt­irðu naglann á höf­uðið. Ég er samt á því að stjórnin félli við til­komu Guðlaugs Þórs ekki vegna þess að trún­aður og vin­skapur geti ekki mynd­ast milli hans og Katrínar heldur af öðrum ástæðum: Þessi stjórn hefur lafað vegna þess hve „gras­rót“ VG er orðin þunn, ógagn­rýnin og varla nokkuð annað en sam­an­safn svefn­gengla því þaðan hefur ekki heyrst hósti né stuna árum saman. Fylgi VG leitar í síauknum mæli eitt­hvað annað… það eina getur bjargað þessum flokki væri ef hann stæði upp og sprengdi stjórn­ina með látum og léti eins og flokk­ur­inn hefði eftir allt saman og þrátt fyrir allt bein í nef­inu. Þau tæki­færi sem hafa boð­ist hafa þó ekki verið nýtt. En mæti Guð­laugur Þór til leiks væri það kær­komið tæki­færi kjósa Guðlaug Þór. – En svo getur þetta verið tóm vit­leysa í mér eins og allar fabúler­ingar um þetta vís­ast eru.“