Baunar á biskup: „Hún mætti greiða sjálf úr eigin vasa og hýsa í ríkulegum hýbýlum hælisleitendur“

Gústaf Níelsson sendir bisk­upi Íslands, Agnesi M. Sig­urð­ar­dóttur, væna sneið á Facebook-síðu sinni. Ástæðan er sú að biskup rit­aði grein um harka­lega brott­vikn­ingu flótta­fólks í neyð í fyrr­inótt þar sem hún sagð­ist mót­fallin slíkum aðgerðum:

„Frú Agnes, biskup Íslands, hættir aldrei að koma manni á óvart,“ segir hann og heldur áfram:

„Hún að vísu stjórnar stofnun, sem nýtur sér­stakrar stjórn­ar­skrár­verndar og nýtur kjara, sem fæstir Íslend­ingar geta vænst í striti hvers­dags­ins. Samt veldur það henni von­brigðum að hún „skuli búa í svona landi.“

Gústaf segir að Agnesi sé „þó frjálst að yfir­gefa landið, sem veldur henni von­brigðum.“

Bætir við:

„Að vísu hefur þjóð­kirkj­unni hnignað skelfi­lega undir hennar for­ustu, en það veldur henni engum von­brigðum, hvað þá áhyggjum; hún mætti minn­ast sög­unnar um mis­kunn­sama Sam­verj­ann (Lúkas 10:25-37) og greiða sjálf úr eigin vasa og hýsa í ríku­legum hýbýlum hæl­is­leit­endur, sem vernd­ari kirkju hennar útvegar. Eftir því yrði tekið.“