Kristín var fjórtán ára þegar hún varð fyrir kynferðislegu áreiti – „Ég þarf að fara að yngja upp“

„Þetta er svo­lítið ástæðan fyrir því að ég flyt í burtu frá Dölunum. Ég flyt á Selfoss. Ég er að forð­ast hann og sam­fé­lagið sem veitti mér ekki stuðn­ing. Ég upp­lifi mig ekki vel­komna þarna,“ segir Kristín Þór­ar­ins­dóttir í við­tali við Vísi. Kristín segir þar frá kyn­ferð­is­legu áreiti sem hún varð fyrir af full­orð­ins sveit­unga hennar þegar hún var fjórtán ára gömul. Í kjöl­farið sagði vin­konu sinni frá því sem gerst hafði en eftir það hafi Barna­vernd haft sam­band við móður hennar.

Þegar Kristín var tólf ára gömul byrj­aði hún að passa börn sveit­unga sinna sem bjuggu skammt frá. Hún segir fjöl­skyldu­föð­ur­inn hafa verið óþægi­legan í sam­skiptum og lýsir því hvernig hann hafi faðmað hana og snert. „Ég þarf nú bara að fara að yngja upp“ sagði hann og dró hana að sér eitt skipti þegar Kristín var stödd hjá þeim hjónum. Hún segir að eig­in­kona manns­ins hafi verið við­stödd þegar atvikið átti sér stað. Þrátt fyrir að kona manns­ins hafi séð hvað átti sér stað hafi mað­ur­inn hafi alltaf ekið henni heim en þar hafði áreitið verið alvar­legra. Hann hafi meðal ann­ars rennt hend­inni niður bak hennar að rassi  og lagt hend­ina á læri hennar. Eftir að málið frétt­ist hafi hjónin reynt að koma höggi á Kristínu en við­talið má lesa í heild sinni á vef Vísis.