Eiginkona dómsmálaráðherra birti umdeilda færslu um flóttafólk: „Þetta er ömurlegur whataboutismi“

Eig­in­kona Jóns Gunn­ars­sonar dóms­mála­ráð­herra deildi umdeildri færslu á Facebook um hæl­is­leit­endur í gær.

Öll spjót hafa beinst að Dóms­mála­ráðu­neit­inu síð­ustu vikur vegna harka­legra aðgerða lög­regl­unnar gegn hæl­is­leit­endum á Íslandi en 13 voru send til Grikk­lands þar sem fátt bíður þeirra annað en gatan eða yfir­fullar flótta­manna­búðir. Virðist sem fólk skipt­ist í tvær fylk­ingar varð­andi málið, þar sem önnur fylk­ingin vill leyfa fólki sem hingað sækir um hæli, að vera hér og auðga mann­lífið á meðan hin fylk­ingin vill ekki hleypa fólki í neyð inn í landið, nóg sé af fólki fyrir í neyð hér á landi.

Í færslu sem Guð­finnur nokkur birti á Facebook um dag­inn er ljós­mynd af Herberti Mar­ínós­syni sem lengi bjó á göt­unni en hann lést fyrir nokkrum árum. Textinn í færsl­unni er eft­ir­far­andi (óbreyttur):

„Þessi maður er um átt­ræt og hefur verið meira og minna á götun alla sína æfi sofið út í hvaða veðri sem er ,það er hlýra á Grikk­landi .Ekki hef ég seð mót­mæli á Aust­urelli fyrir þetta fólk,eða hávær köllu úr þing­sala Alþingis ,Viðreisn Pírötum og öðrum Vinstri Gapuxum til aðstoðar þessum nú varð maður úti í Skeif­unni ekki bopps frá þessu lið það æti að skamm­ast sín ef það hefur vit til þess“

Færslan vakti úlfúð sumra en kona ein biður færslu­eig­and­ann um að gefa Herberti frið:

„Leyfðu Herbert að hvíla í friði! Þú ert með áráttu­hegðun Guð­finnur! Að sífellt birta mynd af löngu látnum manni.“

Þá skrif­aði annar eft­ir­far­andi athuga­semd:

„..það er engin félags­þjón­usta á Grikk­land fyrir fólk á flótta. Það er ekki hægt að bera bara saman veðrið og láta eins og þetta sé útópía.

Ég hvet þig ann­ars að skipu­leggja mót­mæli með heim­il­is­lausu fólki, því það er margt ábóta­vant í þjón­ustu við þau… það gerir meira fyrir þennan hóp sem þér þykir aug­ljós­lega vænt um. Eintómt væl á Facebook gerir ekk­ert fyrir heim­il­i­alausa.Þessir hópar eru ann­ars ekki ann­að­hvort eða… það er nóg til af pen­ingi, það er vilji fjár­mála­ráð­herra, sem er Sjálf­stæð­is­maður.“

Halla Ragn­ars­dóttir, eig­in­kona Jóns Gunn­ars­sonar dóms­mála­ráð­herra deildi færsl­unni í gær en í athuga­semd er hún sökuð um svo­kall­aðan „whataboutisma“:

„Þetta er ömur­legur whataboutismi. Mæli með að lesa þetta https://m.facebook.com/story.php?story_fbid=10160460127383679&id=693003678“