Illugi Jökulsson fjölmiðlamaður og rithöfundur er síður en svo ánægður með Bjarna Benediktsson eftir Kastljósþátt gærkvöldsins. Hann segir fjármálaráðherra vera í raun „skíthræddan lygara.“
Líkt og áhorfendur Kastljóss sáu í gærkvöldi varð furðuleg uppákoma í þættinum þegar Sigríður Dögg Auðunsdóttir spyrill þáttarins lenti í rifrildi við Bjarna Benediktsson fjármálaráðherra í lok viðtalsins við hann. Sagði Sigríður Dögg að Bjarni hefði sett það sem skilyrði fyrir viðtalinu að hann myndi mæta þar einn. Bjarni neitaði því staðfastlega og sagði Sigríði hafa reynt að bæta við stjórnarandstæðingi skömmu fyrir viðtalið.
Illugi Jökulsson skrifaði færslu eftir þáttinn og var allt annað en sáttur við Bjarna í þættinum.
„Allir alveg sáttir við að fjármálaráðherra landsins ljúgi blákalt í viðtali í sjónvarpinu? — þegar hann þóttist ekki kannast við að hafa sett það skilyrði fyrir viðtali að hann þyrfti ekki að mæta Kristrúnu Frostadóttur? Allt í góðu við að horfa sona í beinni á ykkar mann ljúga eins og aumingi, ha, VG? Voruði stolt?
Kristrun Frostadottir sýndi reyndar þegar hún komst að AF HVERJU Bjarni var hræddur við að mæta henni. Alveg glimrandi frammistaða. Og Sigmar var líka fínn.“
Hafliði Breiðfjörð birti hið furðulega viðtalsbrot á Twitter-reikningi sínum og spurði hvort þetta væri Spaugstofan. Hér fyrir neðan má sjá myndskeiðið.
Athugasemdir