Geirdís verið fátæk allt sitt líf og býr í húsbílnum: „Það er ansi kalt að fara á fætur“

„Ég er ör­yrki með tekjur frá Trygg­inga­stofnun og er að fá 225 þús­und út­borgað þaðan á mán­uði. Þannig að ég er ekki einu sinni með laun til þess að vera á leigu­mark­aði vegna þess að ég get ekki staðið undir mán­aðar­legum af­borg­unum af leigu,“ segir Geir­dís Hanna Krist­jáns­dóttir, 47′ ör­yrki í höf­uð­borg­inni.

Und­an­farin 2 og 1/2 ár hefur Geirdís búið í hjól­hýsa­byggð­inni í Laugar­dalnum. í hús­bíl sem hún á sjálf. Hún fær hins vegar ekki að hafa það lög­heim­ili og er því í raun skráð heim­ilis­laus sam­kvæmt kerf­inu. „Ég bý í mínu eigin hús­næði og engum háð nema sjálfri mér,“ segir Geirdís Hanna.

Geirdís var næstyngsta barn ein­stæðrar móður sex barna og sjálf varð hún ein­stæð móðir með þrjú börn á fram­færi. Allt sitt líf hefur hún verið fátæk og kýs í dag að búa í sendi­bíl í Laug­ar­dalnum. Í við­tali við Mannlíf sum­arið 2020

„Ég skulda ekk­ert og hef ekki gert í þónokkuð mörg ár en ég er enn í þeirri stöðu að velta fyrir mér hverri krónu til að hámarka verð­gildi hennar. Sem öryrki má ég hvorki eiga sparifé né fá greiðslur úr líf­eyr­is­sjóði án þess að það skerði örorku­líf­eyr­inn frá Trygg­inga­stofnun rík­is­ins. Ég þurft að velja á milli þess að borga reikn­ing­ana eða kaupa í mat­inn, kaupa mat eða nauð­syn­leg lyf, kaupa föt á börnin eða mig, velja tann­heilsu barn­anna eða mína eigin, leyfa börn­unum að æfa íþróttir eða fara með þeim í stutt frí inn­an­lands og leigja mér hús­næði eða lifa án fjár­hags­á­hyggna,“ segir hún og heldur áfram.

„Í dag bý ég í sendi­bíl sem var breytt í hús­bíl vegna þess að ég kýs að lifa, en ekki bara lifa af. Ég var fátæk áður en ég varð öryrki, vann lág­launa­störf með þrjú börn á fram­færi og í stöð­ugum afkomu­ótta. Ég hef glímdt við kvíða og þung­lyndi frá barn­æsku, lent í nokkrum bílslysum sem orsök­uðu stoð­kerf­is­vanda og lenti í lík­ams­árásum sem höfðu bæði and­legar og lík­am­legar afleið­ingar.“

Geirdís segir því enn fylgja skammar­stimp­ill hér á landi að vera öryrki. „Já, því miður. Ég er í 50% starfi og mörgum finnst að fyrst ég geti það þá geti ég alveg unnið 100% starf. Vistin í bílnum er í meg­in­dráttum mjög góð. Á vet­urna eru snjó­bux­urnar og þykka úlpan á vísum stað. Á köld­ustu dögum og nóttum hefur orðið mjög kalt og einn morg­un­inn voru rúð­urnar hélaðar að innan. Það er ansi kalt að fara á fætur stundum.“