Þorkell Máni: „Sorg­legt að ríki­stjórnar­sjón­varpið sé að reyna að hagnast á þessu“

HM í knatt­spyrnu sem haldið er í Katar, hófst í gær þegar heima­menn í Katar biðu lægri hlut 2-0 gegn frísku liði Ekvador, í opn­un­ar­leik móts­ins.

Á­kvörð­unin að halda mótið í Katar hefur verið afar um­deild, en mann­rétt­inda­mál þykja fótum troðum í Katar og komið er á dag­inn að margir verka­menn lét­ust við að byggja þá leik­velli sem spilað er á.

Allir leikir HM verða sýndir í beinni út­send­ingu á RÚV, en þó nokkur gagn­rýni hefur beinst að fjöl­miðl­inum vegna þessa.

Íþrótta­frétta­maður Þor­kell Gunnar Sigur­björns­son, á RÚV, skrif­aði færslu á Twitter í gær þar sem hann benti á á­kveð­inn tví­skinn­ung í um­ræð­unni:

„Auð­vitað gagn­rýnum við mann­rétt­inda­brot og spill­ingu tengdu HM í Katar, sem hefði aldrei átt að fara fram þar. En hvar var samt þessi gagn­rýni á Rúss­land fyrir HM 2018? Rússar höfðu þá inn­limað Krím­skaga með her­valdi. Þar er hin­segin fólk fang­elsað og ras­ismi við­gengst á völl­unum. En þar hót­aði fólk ekki í stórum stíl að snið­ganga og þar fram eftir göt­unum. Of gaman því Ís­land var með? Kannski hefur sið­ferðis­vit­und fólks bara batnað síðan þá. Skal ekki segja.“

Hinn kraf­mikli út­varps­maður, Þor­kell Máni Péturs­son, steig fram á rit­völl­inn og svar­aði færslu Þorkells:

„Þetta er á öðrum skala. Alveg sorg­legt að ríki­stjórnar­sjón­varpið sé að reyna að hagn­ast á þessu. Við sem höfum ein­hverja sóma­kennd getum ekki einu sinni sagt þessu upp.“