„Ég mun ríða þér í drasl …“ skrifaði rúmlega tvítugur karlmaður sem sóttist eftir kynlífi með 11 og 12 ára stúlkum. Þetta kemur fram á TikTok þar sem haldið er úti vef sem er ætlað að afhjúpa kynferðisbrotamenn.
Tálbeitan á TikTok hefur gefið út nýtt myndband. Í þessu tilviki er um að ræða 21 árs karlmann sem situr í bifreið föður síns og bíður eftir 11 og 12 ára stúlkum. Líkt og í fyrri myndskeiðum sjást samskipti sem sýna áform mannsins og einbeittan brotavilja. Hann mætti á vettvang og var fyrirhugað að hann og börnin færu í „threesome“.
Karlmaðurinn var meðvitaður um aldur telpnanna. Samskiptin sýna að helstu áhyggjur hans voru að hann yrði gómaður. Gekk hann svo langt að sækjast eftir fullu nafni barnanna og heimilisfangi þeirra. Hann gerði mikla rannsóknarvinnu, m.a. á Íslendingabók um hvort upplýsingarnar sem hann fékk væru réttar. „Væri samt gott að vita hvort þú heitir Sara Rut því það er engin Sara Rut fædd 2009 í Íslendingabók …“.
Þegar tálbeitan nálgaðist bifreiðina brást ökumaðurinn strax við með því að rjúka í burtu. Myndskeiðið sýnir bílnúmer bifreiðarinnar. Eftir nánari athugun Mannlífs kom í ljós að bílinn er skráður á föður mannsins.
Sjá einnig:
Upptökur af tveimur íslenskum mönnum og samskiptum þeirra við 14 ára stúlku – TikTok rauðglóandi
Athugasemdir