Vopnuð lögregla á hlaðborði veitingarstaðar á Höfða – Sársvangir með skotvopn

Hlyni Jóni Michelsen brá í brún þegar hann var staddur á Mat­stöð­inni í gær. Hann birtir mynd á fés­bók­ar­síðu sinni. Þar má glögg­lega sjá tvo ein­kenn­is­klædda lög­reglu­menn sem standa með diska á hlað­borði veit­inga­stað­ar­ins. Þegar rýnt er í mynd­ina má að lög­reglu­menn­irnir bera skot­vopn á klæðum sínum. Hlynur Jón skrifar við mynd­ina:

„What???

Hvað fór fram hjá mér?

Hvenær var vopna­burður lög­regl­unnar heim­il­aður?“

Í athuga­semdum við færsl­una skipt­ist fólk á skoð­unum og benda sumir á að hugs­an­lega gæti verið um sér­sveit­ar­menn að ræða, en ekki er venja að sjá lög­reglu­menn vopn­aða skot­vopnum á Íslandi.

Reglur gilda um vopna­burð lög­reglu­manna og í 31. grein í reglum um vald­beit­inu lög­reglu­manna og með­ferð og notkun vald­beit­ing­ar­tækja og vopna segir:

31. gr. Vopna­burður.
Við lög­reglu­að­gerðir skulu lög­reglu­menn, sem vopn­aðir eru skot­vopnum, alla jafna
vera ein­kenn­is­klæddir og bera vopn sýni­leg utan­klæða, nema verk­efnið sé þess eðlis að annað sé nauð­syn­legt við úrlausn þess.