Jakob orðlaus yfir fréttatíma RÚV: „Eitthvert mest brútalt sjónvarpsefni sem ég hef séð“

Jakob Bjarnar Grét­ars­son, frétta­maður á Vísi, segir að frétta­kona RÚV hafi farið yfir strikið í sjón­varps­fréttum í gær. Hann segir að dúllu­leg mann­lífs­frétt hafi endað sem ein harð­neskju­leg­asta sjón­varps­efni sem hann hefur séð. Jakob skrifar á Facebook:

„Eitt­hvert mest brút­alt sjón­varps­efni sem ég hef séð var í frétta­tíma RUV nú áðan. Upp­leggið átti örugg­lega að vera létt og sætt human inter­est innslag; rætt við fólkið á göt­unni — jóla­gjafatrums eitt­hvað,“ segir Jakob og heldur áfram:

„En fjall­brött sjón­varps­konan gekk af mik­illi ýtni á við­mæl­endur sem hún greip glóð­volga í Kringl­unni og spurði hvort þeir hafi verið að skila jóla­gjöfum? Jú. Og: Hvað gjafir voru þetta sem var verið að skila og frá hverjum? Hugsa að þeir séu nokkrir gjaf­mildir frænd­urnir og frænkurnar, afarnir og ömm­urnar sem hafa setið náhvít við skjá­inn og skamm­ast sín fyrir gjafir sem gefnar voru af góðum hug. Og hugs­an­lega ein­hverjir sem létu glað­beitta sjón­varps­kon­una rekja úr sér garn­irnar með móral.“