Örn Ægir er sannkallaður smáfuglahvíslari: „Þeir eru ótrúlega gáfaðir og skemmtilegir“

Örn Ægir hefur í fjöldi ára hlýjað ófáum fuglum í mesta vetr­ar­frost­inu með því að hleypa þeim inn á heim­ili sitt.

Í Facebook-hópnum Fugla­fóðrun birti Örn Ægir Reyn­is­son færslur á dög­unum þar sem hann birti mynd­skeið sem sýna þresti sem hann hafði hleypt inn á heimli sitt í Reykja­vík þegar það var hvað kald­ast um jólin. Byrjaði hann á þessu árið 2018 en sá þröstur hefur komið á hverju ári síðan.

Í sam­tali við Mannlíf segir Örn Ægir að í byrjun hafi þetta verið 20 þrestir og nokkir starrar.

„Ég er búinn að gera þetta hérna í mörg ár en fyrst voru þetta um 20 þrestir sem eru allt árið og starr­arnir hérna úr næsta nágrenni. Þetta er orðin nokkur hund­ruð stykki núna af báðum teg­undum. Þessi sem kemur oft­ast í heim­sókn var hér hjá mér í þrjár vikur árið 2018, togn­aður á væng,“ sagði Örn en þann fugl má sjá hér fyrir neðan.

„Svo kom hann alltaf inn þegar fyrsta óveðrið kom á vet­urnar eins og til að minna á mat­inn yfir vet­ur­inn en í vetur er hann búinn að koma að minnsta kosti fjórum sinnum inn og vera í nokkra daga var hér inni yfir jólin,“ bætti hann við.

Segir Örn Ægir enn­fremur að þröst­ur­inn frá 2018 tali við hann með sér­stöku lát­bragði:

„Hann talar við mann með lát­bragði og tísti svo er eins og hann finni á sér hvað maður segir við hann líka. Hann tístir alltaf á vissan hátt þegar hann kemur þá veit maður hver er á ferð­inni.“

En hvernig eru smá­fugl­arnir svona í heild­ina?

„Þeir eru ótrú­lega gáf­aðir og skemmti­legir,“ svar­aði Örn Ægir að bragði.