Páll sagður ýta undir kvenfyrirlitningu og hatur

Páll Magn­ús­son, fyrr­ver­andi þing­maður Sjálf­stæð­is­flokks­ins og útvarps­stjóri, blandar sér í skessu­málið á Facebook og segir Eddu Falak eiga skilið afsök­un­ar­beiðni frá þeim sem merktu skessu nafni hennar á Þrett­ánd­anum í Vest­manna­eyjum. Hann hafnar því þó alfarið að það hafi verið ras­ismi þrátt fyrir að skessan hafi helst líkst litla svarta Sambó.

Mynd/Skjáskot sem Edda birtir á Twitter.

Páll skrifar: „Þeir sem skreyttu tröllin á Þrett­ánd­anum í Eyjum gerðu sig seka um dóm­greind­ar­laust smekk­leysi þegar eitt tröllið var merkt með afbök­uðu nafni Eddu Falak. Þetta kall­aði á skýra og afdrátt­ar­lausa afsök­un­ar­beiðni frá ÍBV – bæði opin­ber­lega og til Eddu per­sónu­lega – með lof­orði um bót og betrun. En að kalla þetta “hat­urs­orð­ræðu“, “ras­isma“ eða “ofbeld­is­hótun“ er ein­fald­lega yfir­gengi­legur hug­takarugl­ingur – og óða­verð­bólga í orða­notkun.“

Hann bætir svo við þetta: „Hvaða hug­tök ætla menn að nota um þessi fyr­ir­brigði þegar þau skjóta raun­veru­lega upp koll­inum ef búið er að geng­is­fella þau svona ræki­lega? Þegar þessi hug­tök eru notuð svona gáleys­is­lega er bein­línis verið að gera lítið úr þolendum raun­veru­legrar hat­urs­orð­ræðu, ofbeldis og ras­isma.“

Ekki eru allir sam­mála þessu en Sema Erla Serdar segir í athuga­semd að Páll sé með þessum skrifum að ýta undir kven­fyr­ir­litn­ingu og hatur. Sema skrifar:

„Það er almennt ekk­ert sér­stak­lega vel séð að fólk í yfir­burða- og valda­stöðu í sam­fé­lag­inu sem mun aldrei upp­lifa hat­urs­orð­ræðu og ras­isma sé að skil­greina fyrir þolendur hvað sé og hvað sé ekki hat­urs­orð­ræða og ras­ismi enda munu þið aldrei skilja áhrifin og þær alvar­legu afleið­ingar sem því geta fylgt að vera þolendur slíks ofbeldis.“

Hún segir að skil­grein­ing­ar­valdið sé ekki hjá honum. „Það er því æski­legt að spyrja sig að því hvort skil­grein­ing­ar­valdið sé ykkar eða ekki. Því næst væri æski­legt að afneita ekki upp­lifun þolenda hat­urs­orð­ræðu og ras­isma og sýna frekar auð­mýkt og stuðn­ing í stað þess að vera með til­raun til rétt­lætis sem gerir nákvæm­lega ekk­ert fyrir neinn og er ein­ungis til þess fallin að gera lítið úr ofbeld­inu og afleið­ingum þess,“ segir Sema og heldur áfram:

„Að því sögðu hvet ég þig og stuðn­ings­fólk þitt hér til þess að kynna sér skil­grein­ingar og birt­ing­ar­myndir hat­urs­orð­ræðu. Þið munuð þá mögu­lega sjá að það að upp­nefna konu af erlendum upp­runa (út frá erlendu ætt­ar­nafni hennar), setja nafn hennar á svarta brúðu og láta hana ganga innan um brenn­andi kyndla er auð­vitað ekk­ert annað en kven­fyr­ir­litn­ing og hat­urs­orð­ræða.“

Sema vísar svo í almenn hegn­ing­ar­lög og biður Eyjamenn að hugsa um gjörn­ingin í því sam­hengi:

„Til stuðn­ing er hér grein 233a. í almennum hegn­ing­ar­lögum. Ef þið sjáið þetta ekki hvet ég ykkur til frek­ari sjálfs­skoð­unar.

„Hver sem opin­ber­lega hæð­ist að, róg­ber, smánar eða ógnar manni eða hópi manna með ummælum eða ann­ars konar tján­ingu, svo sem með myndum eða táknum, vegna [þjóð­ern­is­upp­runa eða þjóð­legs upp­runa], lit­ar­háttar, kyn­þáttar, trú­ar­bragða, [fötl­unar, kynein­kenna], kyn­hneigðar eða kyn­vit­undar, eða breiðir slíkt út, skal sæta sektum eða fang­elsi allt að 2 árum.“