Karlmaður á fimmtugsaldri hefur verið ákærður fyrir kynferðislega áreitni um borð í skemmtiferðaskipi sem var á leið frá Íslandi til Bandaríkjanna í ágúst síðastliðnum. Maðurinn, sem er bandarískur, var farþegi á skipinu en er hann sagður hafa áreitt skipverja sem var við störf að þrífa salerni.
Í ákærunni segir að maðurinn hafi gripið í handlegg starfsmannsins sem brást við með því að spyrja hvað hann væri að gera. Þá mun maðurinn hafa gripið um kynfæri starfsmannsins og látið kynferðisleg ummæli falla. Eftir að starfmaðurinn færði sig frá manninum er hann sagður hafa beðið um að segja engum frá atvikinu. Dólgurinn var handtekinn við komuna til Boston. Bandarískir fjölmiðlar hafa fjallað um málið sem er litið alvarlegum augum.
Athugasemdir