Dólgur í Jóni

Jón Gunn­ars­son dóms­mála­ráð­herra á með réttu að taka hatt sinn og staf og yfir­gefa ráðu­neyti sitt í mars og rýma fyrir Guðrún Haf­steins­dóttur, odd­vita Sjálf­stæð­is­flokks­ins í suð­ur­kjör­dæmi. Þetta er sam­kvæmt lof­orði Bjarna Bene­dikts­sonar, for­manns Sjálf­stæð­is­flokks­ins, sem kvað upp þann Salómons­dóm að Jón og Guðrún skiptu ráðu­neyt­inu með sér.

Nú er komið babb í bát­inn. Hermt er að Jón líti þannig á að hann muni sitja fram í júní. Hann er á kafi í við­kvæmum málum eins og að halda óæski­legum flótta­mönnum frá land­inu og vopna­væða lög­regl­una með svoköll­uðum varn­ar­vopnum.

Hann er grjóharður á þessu og dólgur í honum. Und­ir­liggj­andi er að verði honum kastað út þá muni hann segja af sér þing­mennsku og vara­mað­ur­inn Arnar Þór Jónsson lög­maður komi inn sem þing­maður. Arnar Þór er með teng­ingar við Útvarp Sögu og þykir sum­part vera með skoð­anir sem eru afar sér­stakar.

Engin leið er að spá fyrir um það hvaða leið Bjarni fer til upp­fylla lof­orðið við Guðrúnu. Hann gæti hrókerað ráð­herrum og reynt að losa sig við Guðlaug Þór Þórð­ar­son, sem er honum þyrnir í auga. Vandinn er sá að Guð­laugur er of sterkur í flokknum. Hermt er að Bjarni sé undir feldi og nið­ur­stöðu að vænta …