Ásakaðir kynferðisglæpamenn fá skjól í grunnskólum Mosfellsbæjar

Bæði Leifur Garð­ars­son og Sævaldur Bjarna­son starfa sem kenn­ara í grunn­skólum í Mos­fellsbæ. Báðir hafa nýlega verið sak­aðir um kyn­ferð­is­glæpi og hrökkl­uð­ust úr störfum sínum vegna þess. Innan Facebook-hóps­ins Bar­áttu­hópur gegn ofbeld­is­menn­ingu er vakin athygli á þessu og virð­ast íbúar í Mos­fellsbæ ótta­slegnir.

Leifur Garð­ars­son starfar sem sér­kenn­ari í Helga­fells­skóla í dag. Mannlíf hefur ítrekað fjallað um mál hans en árið 2021 hrökkl­að­ist hann úr starfi sem skóla­stjóri Áslands­skóla í Hafn­ar­firði. Það var eftir að hann hafði verið sendur í ótíma­bundið veik­inda­leyfi eftir að upp komst um óvið­eig­andi sam­skipti hans við leik­mann meist­ara­deildar kvenna í körfuknatt­leik. Hann hafði starfað sem körfu­bolta­dóm­ari.

Það virð­ist ekki hafa verið ein­angrað atvik því Hafn­ar­fjarð­ar­bær stað­festi á sínum tíma að kvart­anir höfðu borist vegna hans. Einnig birti stúlka sem hann þjálf­aði skila­boð sem henni barst frá honum. Þau má sjá hér fyrir neðan.

Sævaldur Bjarna­son starfar í dag sem kenn­ari í Kvísl­ar­skóla en mál hans er nýrra. Mál þeirra tveggja eru þó lík að því leyti að báðir störf­uðu við að þjálfa konur í íþróttum. Sævaldur var þjálf­ari U18 lands­liðs kvenna í körfu­bolta þar til nýlega. Síðasta sumar var ákveðið að senda hann ekki með lið­inu til Grikk­lands þar sem stelp­urnar tóku þátt í Evr­ópu­meist­ara­mót­inu.

Hann var sak­aður um óvið­eig­andi snert­ingar og hafa valdið van­líðan meðal lands­liðs­ins. Sara Líf Boama, lands­liðs­kona í körfu­bolta, steig fram á Facebook í des­em­ber og skrif­aði meðal ann­ars:

„Þú snertir okkur á óvið­eig­andi hátt og varst almennt mjög óþægi­legur. Ég mun aldrei gleyma hvernig þú lést mér líða. Hvernig þú rass­skelltir mig bæði með flötum lóf­anum og þjálf­ara­spjald­inu en mest af öllu mun ég aldrei gleyma því þegar þú kemur aftan að mér á stóra vell­inum í Finn­landi, rass­skelltir mig tvisvar og segir svo glott­andi og hlæj­andi „nei ég ætl­aði nú ekki að fara í rass­inn á þér.““

Líkt og fyrr segir þá er vakin athygli á nýjum störfum Leifs og Sævalds innan Facebook-hóps­ins Bar­áttu­hópur gegn ofbeld­is­menn­ing. Ummæli einnar konu þar eru lýsandi fyrir umræð­una í heild sinni en hún skrifar: „Hvað er alltaf með svona fígúrur, hvort sem það eru kenn­arar, prestar eða what not, þetta fær bara að dull­ast í kerf­inu!!“