Íbúi Betra lífs: „Þetta er í fyrsta skipti í þrjú ár sem mér finnst ég eiga heima einhvers staðar“

„Einn maður sagði við mig i fyrra sko, eldri maður, sem sagði: „Þetta er i fyrsta skipti Í þrjú ár sem mér finnst ég eiga heima ein­hvers­staðar, þegar ég hef lykil af her­bergi.“ Þetta er raun­veru­leik­inn fyrir þetta fólk. Þessi maður fékk síðan félags­í­búð en hann var búinn að bíða í níu ár eftir henni. Níu ár,“ sagði Arn­ar Gunn­ar Hjálm­týs­son, for­stöðu­maður áfanga­heim­il­is­ins Betra líf, í sam­tali við Mannlíf í morgun.

Mikil umræða skap­að­ist um áfanga­heim­ilið í kjöl­far elds­voð­ans sem kom upp í hús­næð­inu í síð­ustu viku og lýstu nágrannar yfir áhyggjum sínum. Arnari sárnar umræðan síð­ustu daga en sjálfur seg­ist hann, ásamt syni sínum og kær­ustu hans, sjá um hús­næðið í sjálf­boða­vinnu. Í við­tal­inu segir hann frá raun­veru­leika fólks­ins sem leitar til hans en fólkið sem er býr á áfanga­heim­il­inu er allt að bíða eftir því að kom­ast í með­ferð.
„Eig­in­lega í öllum til­fellum þá skutla ég þeim upp á Vog. Það er bara þannig. Ekki bara það, ég þekki líka fullt af fólki sem er að vinna hjá SÁÁ og get reynt að ýta á það að það fái flýti­með­ferð,‘‘ segir hann en við­talið við Arnar mun birt­ast í heild sinni á vef Mannlífs í kvöld