Steinunn Ólína gaf út færslu á samfélagsmiðlinum Facebook þar sem hún vildi að fréttastofa RÚV leiðbeindi fréttamanni við greinarskrif. Hún vildi meina að fréttin, sem fjallar um meðallaun þerna, gefi upp ranga mynd og að Efling óski eftir taxtahækkunum. Steinunn nafngreindi og ásakaði fréttamanninn um að hafa einungis leitað sér heimilda hjá framkvæmdastjóra Íslandshótela og lagði Steinunn til að hún leiti til fleiri heimildamanna.
Í greininni kemur fram að unnið var út frá gögnum frá þeim tveimur hótelkeðjum sem verkföll Eflingar snúa að. Eins var leitað heimilda hjá Hagstofu Íslands um meðallaun á landsvísu. Þá hafði fréttastofa jafnframt haft samband við Eflingu: „Fréttastofa óskaði eftir upplýsingum frá Eflingu um meðallaun herbergisþerna, en ekki var unnt að reikna út meðallaun út frá greiddum félagsgjöldum, þar sem starfshlutfall getur verið æði misjafnt.“
Þá undirstrikaði Steinunn Ólína í færslu sinni:
„Hvað þernur geta hækkað strípuð laun sín með helgarvöktum þó þær fari fram að degi til :), næturvöktum, kvöldvöktum er EKKI til marks um það að laun þeirra séu á nokkurn hátt ásættanleg. Þau eru þvert á móti til háborinnar skammar fyrir samfélagið allt.“
Hér að neðan má sjá umrædda frétt:
Athugasemdir