Varaþingmaður yfirgefur VG vegna útlendingafrumvarpsins: „Þessi skref eru afskaplega þung“

Daníel E. Arn­ars­son ritar færslu á Facebook-síðu sinni þar sem hann til­kynnir úrsögn sína úr VG.

„Í gær­kvöldi var útlend­inga­frum­varp dóms­mála­ráð­herra sam­þykkt. Frumvarp sem fjöldi mann­rétt­inda- og hjálp­ar­sam­taka hafa barist gegn enda skerðir það rétt­indi eins við­kvæm­asta og jað­ar­settasta hóp okkar sam­fé­lags; fólk sem leitar að alþjóð­legri vernd.“

Daníel segir að „það er ekki að ástæðu­lausu að frum­varpið mætti jafn­sterkri and­stöðu líkt og raun ber vitni. Þegar ég bauð mig fram í próf­kjöri VG 2021 þá var eitt af mínum áherslu­málum meiri mannúð þegar kemur að þessum hópi. Ég fékk fjölda fólks til að ganga til liðs við hreyf­ing­una, fólk sem var mér sam­mála í þessum efnum og ég fékk mik­inn stuðn­ing frá þessum ein­stak­lingum. Fyrir það verð ég ávallt þakk­látur.“

Hann bætir þessu við:

„Það eru engin stjórn­mál án ábyrgðar, og ég finn til ábyrgðar á þess­ari stundu. Ég var alla tíð á móti þessu frum­varpi og gerði mitt allra besta til þess að stöðva það. Það tókst ekki. Því verð ég að bera ákveðna ábyrgð og nokkrum mín­útum eftir að þing­fólk Vinstri grænna kaus með þessu frum­varpi þá skráði ég mig úr hreyf­ing­unni. Ekki ein­ungis von­brigð­anna vegna.“

Daníel segir að end­ingu að „ég hef unnið með VG í 17 ár, lengur en hálfa ævi. Ég horfi ekki bara á VG sem stjórn­mála­hreyf­ingu heldur er fólkið í VG fjöl­skyldan mín, fólk sem ól mig upp. Þess vegna eru þessi skref afskap­lega þung. Mér þykir enn afar vænt um fólkið í VG en því miður þá get ég ekki staðið á bak­við hreyf­ingu sem sam­þykkir skerð­ingu á rétt­indum til eins við­kvæm­asta hóp sam­fé­lags­ins.

Að lokum. Ég átta mig á að ég er lýð­ræð­is­lega kjör­inn vara­þing­maður hreyf­ing­ar­innar. Ef ég verð kall­aður inn á þing þá mun ég ekki taka sæti heldur vísa áfram á næstu mann­eskju á lista VG í Reykja­vík­ur­kjör­dæmi suður.“