Biðtími eftir niðurstöðu svefnrannsóknar eru sjö til átta mánuðir – Átak samþykkt í október í fyrra

Biðtími eftir nið­ur­stöðu úr kæfisvefns­rann­sókn hjá Lands­spít­al­anum er um sjö til átta mán­uðir, þrátt fyrir átak sem farið var í fyrir ára­mót.

Heil­brigð­is­ráðu­neytið sam­þykkti, í sam­vinnu við Sjúkra­trygg­ingar Íslands og Land­spít­al­ann, í októ­ber í fyrra að leggja til meira fé svo minnka megi langan biðlista eftir svefnönd­un­ar­tæki og var talað um átak. Kaupa átti þús­und ný tæki en þá voru um 1200 manns sem biðu eftir að kom­ast í með­ferð við kæfisvefn. Í dag, 22. mars árið 2023, má mann­eskja sem fer í kæfisvefns­rann­sókn í nótt, búast við að fá nið­ur­stöður úr rann­sókn­inni í októ­ber eða nóv­em­ber á þessu ári, sem sagt sjö til átta mán­uðum síðar. Þrátt fyrir gríð­ar­lega langan bið­tíma hefur hann þó styst frá því að átakið hófst en Björg Eysteins­dóttir deild­ar­stjóri svefn­rann­sókna á Lands­spít­al­anum sagði í við­tali við Bylgjuna í fyrra, að fólk hafi þurft að bíða í átta til fjórtán mán­uði eftir svefnönd­un­ar­tækjum.

Einkenni kæfisvefns eru þreyta og dagsyfja, syfja við akstur, erf­ið­leikar með ein­beit­ingu og minni, fólk vaknar með höf­uð­verk, munn­þurrk og sáran háls, þörf fyrir að leggja sig á dag­inn og óþol­in­mæði.

Kæfisvefn hrjáir þús­undir Íslend­inga en sam­kvæmt Heilsu­veru getur ómeð­höndl­aður kæfisvefn reynst hættu­legur. Þar stendur: Ómeð­höndl­aður kæfisvefn getur verið það. Fólk með ómeð­höndl­aðan kæfisvefn fær ekki góðan svefn. Það er því þreytt­ara og með minni ein­beit­ingu sem getur valdið slysum t.d. bílslysum. Kæfisvefn er einn þeirra þátta sem auka líkur á háþrýst­ingi og því er fólk með kæfisvefn lík­legra en annað fólk til að vera með of háan blóð­þrýst­ing. Þeim er einnig hætt­ara við að fá hjarta­á­fall eða þjást af hjarta­bilun.