Arnar Þór Viðarsson rekinn

Stjórn KSÍ hefur tekið þá ákvörðun að leysa Arnar Þór Við­ars­son frá störfum sem þjálf­ara A lands­liðs karla; mun nú hefj­ast leit að eft­ir­manni hans.

„Stjórnin metur þetta nauð­syn­legt skref með hags­muni liðs­ins í huga og mögu­leik­ann á að ná þeim árangri sem þarf til að koma lið­inu aftur í fremstu röð,“ eins og segir á vef KSÍ.

„Þetta er auð­vitað erfið ákvörðun en við teljum hana nauð­syn­lega og rétta með hags­muni liðs­ins að leið­ar­ljósi. Arnar hefur gert margt gott hérna hjá KSÍ og á hrós skilið fyrir sitt starf sem var oft unnið í krefj­andi aðstæðum. Nú förum við beint í að finna eft­ir­mann hans til þess að hefja und­ir­bún­ing fyrir næstu leiki liðs­ins sem fram fara í sumar,“ segir Vanda Sig­ur­geirs­dóttir, for­maður KSÍ.

Vill stjórn KSÍ koma á fram­færi þökkum til Arnars Þórs fyrir hans störf; óskar honum alls hins besta.

Arnar Þór hafði stýrt lands­lið­inu í tvö ár; á ýmsu gekk á meðan hann var í starfi; Arnar Þór stýrði lið­inu í tveimur leikjum gegn Bosníu og Liechtenstein nýverið; tap­að­ist leik­ur­inn í Bosníu afar illa en gegn Liechtenstein vann liðið sinn stærsta sigur í sög­unni.

En það dugði ekki til fyrir Arnar Þór Við­ars­son.