Undrun er ríkjandi vegna þess bruðls sem viðgengst hjá Ríkisútvarpinu undir stjórn Stefáns Eiríkssonar útvarpsstjóra. Nýverið sendi stofnunin fréttamanninn Björn Malmquist til að vera með asðetur í Brussel og flyja þaðan fréttir og pistla. Kostnaðurinn við það ráðslag gæti verið hátt í 20 milljónir á ári. Þá var sett á stofn einskonar PR-deild og Atli Sigurður Kristjánsson ráðinn til að leiða það verkefni að halda merki stofnunarinnar á lofti.
Ekki er langt síðan stofnunin var í kaldakoli fjárhagslega. Gripið var til þess að selja lóðir í kringum Útvarpshúsið í Efstaleyti og loks að hleypa leigjendum inn í húsið. Síðan hefur verið haldin veisla á kostnað almennings í landinu á meðan flestir aðrir fjölmiðlar svelta.
Ofan á bruðlið bætist svo að mikill skjálfti er vegna máls Páls Steingrímssonar skipstjóra sem rændur var farsíma sínum þegar hann lá .ungt haldinn á sjúkrabeði og síminn afritaður. Spurt er um aðkomu Þóru Arnórsdóttur, fyrrverandi ritstjóra Kveiks og núverandi fjölmiðlafulltrúa Landsvirkjunnar, sem er með réttarstöðu grunaðs manns í málinu. Þá velta menn fyrir sér hvað verði um stjórnendur RÚV ef á daginn kemur að starfsfólk ríkisfyrirtækisins hafi haft milligöngu og eigi aðkomu að málinu án þess þó að flytja sjálft fréttirnar sem komu upp úr ráninu á símanum. Það hitnar undir útvarpssjóra …
Athugasemdir