Ráðgátan um dularfulla kúadauðann loks leyst – Ekki grunur um eitthvað refsivert hafi átt sér stað

Nú er talið full­víst að kýrnar er fund­ust dauðar á Suð­ur­landi í síð­ustu viku hafi drep­ist er þær féllu í gegnum ís; fjögur hræ hafa nú fund­ist en tveggja dýra er enn saknað.

Kúahræ fund­ust í Ásólfs­skála­fjöru undir Eyja­fjöllum og vakti málið mikla athygli; þótti dul­ar­fullt þar sem kýrnar voru ekki með eyrna­merki; engin sár voru sjá­an­leg á hræj­unum og ekki var að finna skotsár.

Þriðja hræið fannst svo við Mark­ar­fljót á fimmtu­dag og það fjórða í Vík­ur­fjöru í gær.

Var málið til­kynnt til lög­regl­unnar á Suð­ur­landi.

Dýrið er fannst við Mark­ar­fljót var með eyrna­merk­ingu; gat lög­reglan því haft sam­band við eig­and­ann, bónda í Mýrdal.

Að sögn lög­regl­unnar týnd­ust kýrnar í ofsa­veðri sem gekk yfir Suð­ur­land fyrir um það bil tveimur vikum; er talið að kýrnar hafi fallið í gegnum ís og drep­ist: Skol­uð­ust svo á haf út.

Allt sex dýr týnd­ust í ofsa­veðr­inu, og því er tveggja enn saknað.

Kemur fram hjá lög­reglu að ekki sé grunur um að neitt refsi­vert hafi átt sér stað; telst málið því upp­lýst af hálfu lög­regl­unnar.