Starfsmenn Landhelgisgæslunnar hrærðir yfir nýrri gjöf frá fjölskyldu Jennýjar Lilju

Land­helg­is­gæslan fékk afhent tvö hjarta­stuð­tæki að gjöf úr minn­ing­ar­stjóði Jennýjar Lilju Gunn­ars­dóttur á dög­unum. Jenný Lilja lést af slys­förum í októ­ber 2015, aðeins þriggja ára gömul. Kemur þetta fram á heima­síðu Gæsl­unnar.

Fjöl­skylda hennar og aðrir með­limir í hlaupa­hópi Jennýjar Lilju, hafa safnað áheitum í Reykja­vík­ur­mara­þoni Íslands­banka og nýtt pen­inga­gjaf­irnar til að kaupa tæki fyrir þyrlu­sveit Land­helg­is­gæsl­unnar og aðra við­bragðs­að­ila síð­ustu ár.

Falleg gjöf frá fal­legri fjöl­skyldu.

Mynd: lhg.is

For­stjóri Land­helg­is­gæsl­unnar, Georg Kr. Lárusson, veitti gjöf­inni veg­legu við­töku í flug­skýli Gæsl­unnar og þakk­aði hann fjöl­skyld­unni þann hlý­hug og virð­ingu sem hún sýnir Land­helg­is­gæsl­unni. Tækin eru að and­virði 4,5 millj­óna króna en þau gera þyrlu­sveit­inni kleift að hafa nýrri, full­komn­ari og létt­ari tæki með­ferðis er mikið liggur við.

Fram kemur á heima­síðu Gæsl­unnar að starfs­menn hennar séu hrærðir yfir þeirri umhyggju sem fjöl­skyldan hefur sýnt ítrekað í verki á und­an­förnum árum og senda þeir fjöl­skyld­unni hug­heilar þakkir fyrir elju­sem­ina og dugn­að­inn.

Hægt er að styrkja minn­ing­ar­sjóð Jennýjar Lilju á heima­síð­unni minn­ingjenn­yj­ar­lilju.is