Sálarháski Maríu

María Ólafs­dóttir, sem sigr­aði Eurovision árið 2015, hefur gengið í gegnum mikla erf­ið­leika síðan hún náði ekki inn í aðal­keppn­ina með lag sitt, Unbroken. María var gestur Helga Ómars­sonar í  hlað­varp­inu Helga­spjall­inu. Hún gerði þar upp þátt­töku sína í keppn­inni og skömm­ina vegna þess að lagið fékk svo lélegar mót­tökur. Hún segir þetta hafa leitt af sér dep­urð og markað líf sitt síðan.

Söng­konan hefur gjarnan verið fórn­ar­lamb net­níð­inga og illt umtal hefur sprottið reglu­lega upp. Það er  gjarnan í því sam­hengi að hún hafi ekki átt skilið að vinna Friðrik Dór þegar lag hennar komst áfram. Rík­is­út­varpið hefur sum­part tekið undir þetta með því að fá Friðrik til að flytja taplag sitt í und­ankeppn­inni í ár.  María upp­lýsti í Helg­ar­spjall­inu að hún hefði verið hjá sál­fræð­ingi und­an­farin ár og reynt að vinna úr því áfalli sem Eurovision­þátt­takan varð henni.

„Ef ég á að vera hrein­skilin þá var þetta alveg þannig fyrstu árin á eftir að þegar Söngvakeppnin og Eurovision fóru fram þá var ég bara í fóst­ur­stell­ing­unni heima skjálf­andi,“ segir hún í við­tal­inu …