Kristján Einar játaði brotin á Spáni: „Þeir kýldu hann ítrekað og settu hendur sínar í vasa hans“

Kristján Einar Sig­ur­björns­son, sjó­maður og áhrifa­valdur, var dæmdur í tæp­lega fjög­urra mán­aða skil­orð­sundið fang­elsi en þetta kemur fram hjá Heim­ild­inni í dag. Dómurinn sem Kristján hlaut var fyrir rán og til­raun til ráns en í dómnum segir að hann hafi að lokum játað á sig brotin. Stingur það í stúf við frá­sögn Krist­jáns í fjöl­miðlum eftir að hann kom heim en þar sagð­ist hann hafa verið hand­tek­inn fyrir „fyll­er­ísslags­mál.“ Þegar hann var spurður hvers vegna hann losn­aði úr fang­els­inu sagði hann:„,Af því að þeir höfðu ekk­ert á mig; það var ekk­ert sem ég gerði.“

Kristján var dæmdur ásamt öðrum manni að nafni Odin K.F. en óljóst er hvaðan sá maður er. Kemur fram í dómnum að Kristján og Odin hafi rænt annað fórn­ar­lamb sitt, hótað með egg­vopni og reynt að ræna annað. Menn­irnir eru báðir sagðir hafa verið undir áhrifum fíkni­efna þegar brotin voru framin en sagði Kristján í við­tali að hann hafi aðeins verið búinn að drekka einn eða tvo bjóra.  Í dómnum kemur fram að sak­born­ing­arnir, Kristján og Odin, hafi geng­ist við brotum sínum og atvika­lýs­ingum sem komu fram. Fyrra fórn­ar­lamb­inu hrintu þeir upp við vegg og beindu odd­hvössum hlut að maga hans. Þeir hafi svo rifið af honum pen­inga og stungið af. Seinna fórn­ar­lamb­inu ýttu þeir í átt að húsa­sundi þar sem þeir rifu af honum keðju sem hann bar um háls­inn en í dómnum segir: „Þeir kýldu hann ítrekað og settu hendur sínar í vasa hans með það að mark­miði að taka af honum öll verð­mæti sem hann bar á sér.“ Í frétt Heim­ild­ar­innar kemur fram að ef tví­menn­ing­arnir hefðu ekki játað sök hefðu þeir getað fengið lengri dóma. Var þeim gert að greiða fórn­ar­lömbum sínum bætur auk sektar sem hljóð­aði upp á 10 evrur á dag í sex mán­uði.