Nágrannar hóta lögfræðingum vegna loftviftu: „Höfum alltaf reynt að vera góðir nágrannar“

Kona nokkur skrif­aði færslu í kvenna­hópi um fast­eigna­ráð og heim­il­is­brask sem hefur vakið athygli í hópnum en hún býr í fjöl­býli. Nýjir nágrannar eru farnir að hóta lög­fræð­ingum vegna loftviftu sem konan hefur haft í 15 ár, án kvart­ana.

„Við fengum nýja nágranna í síð­asta mán­uði, búum í fjöl­býli á mið­hæð, nýju nágrann­arnir á efstu hæð. Við erum með viftu í loft­inu sem þeir kvarta mikið yfir, segj­ast heyra ef er í gangi, heyrðu í henni líka þegar búið var að vera slökkt á henni í viku. Höfum haft þessa viftu í um 15 ár án kvart­ana. Nú ætla þeir að heyra í lög­fræð­ingum út af vift­unni. Mjög óþægi­leg staða, getur verið að þeir hafi eitt­hvað fyrir sér að heyr­ist á milli hæða í loftviftum? Höfum alltaf reynt að vera góðir nágrannar.“ Svo hljóðar nafn­lausa færslan í grúpp­unni og ekki stóð á svörum.

Jóna benti á að fólk er mis­jafnt hvað varðar hávaða. „Án þess að hafa svar þannig séð þá er fólk mjög mis­næmt fyrir hljóðum. Viftan í minni blokk er að gera mig bil­aða t.d. ég heyri suð í öllum raf­magns­tækjum og ljósum, það eru ekki allir sem heyra svona hluti en þegar maður byrjar að heyra getur þetta gert mann bil­aðan.“ Kannski Jóna sé sú sem býr fyrir ofan kon­una?

Alex­andra furðar sig á að nágrann­arnir hafi heyrt í vift­unni þegar slökkt var á henni, skilj­an­lega. „Heyrðu þau í vift­unni þó það væri slökkt á henni? Það er meira en furðu­legt! Held að þau ættu að athuga með að bæta við hljóð­ein­angrun undir gól­f­efni sitt. Það er lítið sem þú getur gert þín megin og það ætti að vera í lagi að vera með loftviftu í fjöl­býli.“

Upp­hafs­kona færsl­unnar svar­aði Alexöndru: „Segja að það víbri í steypu­plöt­unni og sé að gera þau brjáluð.“

Herdís nokkur mælir með að konan heyri í Hús­eig­enda­fé­lag­inu, þó hún hafi „núll álit“ á því. „Svona fólk, arg! Það getur fljótt orðið veru­lega taugatrekkj­andi að vera útsettur fyrir lög­fræði­bréfum. Yfir­leitt hef ég núll álit á Hús­eig­enda­fé­lag­inu en í þessu til­felli myndi ég drífa mig að ger­ast félagi í því vegna þess að félagið getur þá ekki tekið að sér að repres­enta þau gegn öðrum félags­manni. Nágrann­arnir þyrftu á að fá sér umtals­vert dýr­ari löffa og það eitt og sér gæti haft fæl­inga­mátt.“

Fréttin verður ekki upp­færð.