Indverska Covid-afbrigðið er komið til Íslands – Minnst fimm einstaklingar hafa greinst með það

Hið nýja Covid-afbriði, sem kallað er í fjöl­miðlum Arcturus, er komið til Íslands. Afbrigðið, sem heitir form­lega XBB.1.16, hefur verið á hraðri dreif­ingu á Indlandi en fimm hafa greinst með það hér á landi.

Samkvæmt upp­lýs­ingum frá emb­ætti Land­læknis hafa fimm ein­stak­lingar greinst með afbrigðið hér­lendis í rað­grein­ingu en taka skal fram að ekki eru öll sýni rað­greind heldur úrtak sýna, þannig að fleiri gætu hafa fengið þetta afbrigði. Á Indlandi hefur borið á því að ný ein­kenni hafi komið fram hjá fólki með Arcturus en það er augn­sýk­ing. Þá hefur það smitað hraðar en önnur afbrigði. Í svari frá emb­æti Land­læknis segir þó að engin slík ein­kenni hafi komið fram hér á landi. Þá kemur einnig fram þar að annað und­ir­af­brigði Ómíkron eða XBB.1.5 sé ríkj­andi hér á landi sem og í mörgum löndum.

Svarið má lesa í heild sinni hér:

„Þetta til­tekna und­ir­af­brigði XBB.1.16, sem þú vísar til sem Arcturus (ekki form­legt nafn) og er afbrigði ómíkron XBB hefur greinst 5 sinnum hér­lendis í rað­grein­ingu (athug­aðu að ekki eru öll sýni rað­greind heldur úrtak sýna). Annað og náskylt und­ir­a­af­brigði ómíkron XBB.1.5 er hins vegar ríkj­andi hér­lendis eins og í mörgum löndum. XBB.1.16 hefur sér­stak­lega verið að breið­ast út í Indlandi en einnig komið í mörg önnur lönd skv. þeim upp­lýs­ingum sem fást og því var við­búið að það kæmi hingað. Það hefur ekki orðið vart við ný ein­kenni eða verri veik­indi vegna þess­ara fjöl­mörgu ómíkron afbrigða sem eru í gangi og þ.m.t. ekki vegna XBB.1.5 eða XBB.1.16.“