Alexandra Helga Ívarsdóttir, einkaþjálfari og eigandi fyrirtækisins Móa&Mía ehf., er mætt aftur á Instagram. Alexandra hætti á Instagram þegar eiginmaður hennar, Gylfi Þór Sigurðsson, fótboltamaður var sakaður um að hafa brotið kynferðislega gegn stúlku undir lögaldri fyrir um tveimur árum síðan. Máli Gylfa var nýverið vísað frá og ljóst er að hann verður ekki ákærður. Það vá þá fyrir stuttu að eiginkona hans opnaði Instagram-reikning sinn á ný. Alexandra rekur verslunina Móa&Mía ásamt Móeiði Lárusdóttur, sambýliskonu Harðar Björgvins Magnússonar, fótoltakappa. Alexandra hefur enn ekki tjáð sig opinberlega um mál Gylfa. Þá virðist rekstur barnavöruverslunarinnar ganga vel og hefur búðin vakið verðskuldaða athygli frá opnun. Á heimasíðu verslunarinnar segir:
„Það hefur verið draumur hjá okkur vinkonunum í nokkur ár að opna saman barnabúð. Við höfum alla tíð haft áhuga á tísku og hönnun og þegar við eignuðumst stelpurnar okkar Matteu Móu og Melrós Míu með árs millibili fórum við mikið að spá í barnavörum. Við höfum báðar búið erlendis um árabil og kynnst ýmsum barnavörumerkjum sem okkur langaði að kynna á Íslandi. Öll vörumerkin eru vandlega valin með gæði og þægindi í fyrirrúmi fyrir bæði börn og foreldra.
Nú er draumurinn orðinn að veruleika og við erum ótrúlega þakklátar fyrir frábærar viðtökur. Vonum við að þið elskið vörurnar jafn mikið og við!
Hlökkum til að bæta við stækkandi vöruúrval hjá okkur næstu vikur og mánuði og hvetjum ykkur til að fylgjast vel með.“
Athugasemdir