Útrásarvíkingurinn Karl snýr aftur

Karl Wernersson athafna­maður hefur gengið um dimma dali og hæstu tinda á ferli sínum sem við­skipta­maður. Hann var um tíma einn af öfl­ug­ustu útrás­ar­vík­ingum lands­ins og lífið brosti svo sann­ar­lega við honum. Við Hrunið fór hins vegar allt á hlið­ina hjá honum og spila­borg við­skipta hans hrundi til grunna. Karl gekk í gegnum mála­ferli, fékk dóma fyrir fram­göngu sína og varð loks­ins gjald­þrota.

Hann missti þó ekki allt því nú hefur sól hans risið að nýju. Karl stendur í stór­ræðum í Þor­láks­höfn. Fyr­ir­tæki hans, Kamb­ar bygg­ing­ar­vör­ur, ætla að reisa nýja verk­smiðju í bænum.  Stefnan er sú að fram­leiða glugga og hurðir í verk­smiðju sem á að verða hin full­komn­asta í Evr­ópu. Fé­lagið varð til með sam­ein­ingu Sam­verks gler­verk­smiðju, Tré­smiðj­unn­ar Bark­ar, Glugga­smiðj­unn­ar Sel­fossi og Sveina­tungu. Stefnt er að útrás með fram­leiðsl­una.

Íbúar í Þor­láks­höfn eru him­in­lif­andi með að fá gamla útrás­ar­vík­ing­inn til að lyfta atvinnu­líf­inu í sveit­ar­fé­lag­inu. Elliði Vign­is­son, bæj­ar­stjóri í Ölfusi, og Karl hand­söl­uðu samn­ing um bygg­ing­ar­á­formin á dög­unum og margir eru í skýj­unum með Karl og fram­tak hans …