Frjósemi á Íslandi aldrei verið lægri – Meðalaldur kvenna við fæðingu fyrsta barns hefur hækkað

Samkvæmt nýjum tölum Hagstofu hefur frjó­semi á Íslandi ekki mælst lægri síðan mæl­ingar hófust árið 1853. „Fjöldi lif­andi fæddra barna á Íslandi árið 2022 var 4.391 sem er mikil fækkun frá árinu 2021 þegar 4.879 börn fædd­ust. Er þetta mesta fækkun á lif­andi fæddum börnum sem hefur átt sér stað á milli ára frá 1838 eða fækkun upp á 488 börn. Alls fædd­ust 2.301 drengur og 2.090 stúlkur en það jafn­gildir 1.101 dreng á móti hverjum 1.000 stúlkum.“

Mæli­kvarði á frjó­semi er fjöldi lif­andi fæddra barna á ævi hverrar konu og kemur fram á vef Hagstofu að frjó­semi þurfi að mæl­ast 2.1 til þess að við­halda mann­fjölda. Það mark­mið hefur ekki náðst síðan árið 2010 og hafa tölur farið lækk­andi með hverju ári síðan þá, að und­an­skildu árinu 2021 þegar hún hækk­aði úr 1,7 í 1,8. Árið 2022 mæld­ist frjó­semi 1,59.

Með­al­aldur frumbyrja var í fyrra 28,9 ár og er það tölu­verð hækkun frá árinu 1980 þegar með­al­aldur við fæð­ingu fyrsta barns var undir 22 ára.