Það liggur í loftinu að ráðherrum verði hrókerað eftir þingslit í júní og Guðrún Hafsteinsdóttir, fyrsti þingmaður Sunnlendinga, fái sæti við ríkisstjórnarborðið eftir nokkra eyðimerkurgöngu. Ekki liggur þó fyrir hvort hún verði dómsmálaráðherra á kostnað Jóns Gunnarssonar eða hvort Bjarni Benediktsson formaður muni grípa til annarra ráða.
Sjálfur er Bjarni á endastöð á ferli sínum, áhugalaus, heillum horfinn og með niður um sig pólititískt séð. Flokkur hans mælist með innan við 20 prósenta fylgi á meðan Samfylking Kristrúnar Frostadóttur fer með himinskautum í mældu fylgi og heillar þriðja hvern kjósanda.
Bjarni og Jón Gunnarsson hafa verið nánir samherjar um árabil og erfitt að ýta honum út án þess að af því verði mikil átök. Hugmyndin var sú að Bjarni myndi hætta í haust og Þórdís Kolbrún Reykfjörð Gylfadóttir tæki við formennsembættinu án kosningar og útilokaði þannig Guðlaug Þór Þórðarson umhverfisráðherra frá því að verða formaður.
Flóttaleið Bjarna gæti orðið sú að fara sjálfur fyrr en ætlað var og rýma fyrir Guðrúnu og halda jafnframt Jóni inni. Eins og staðan er núna er refskákin í fullum gangi en óljóst með niðurstöðu …
Athugasemdir