Segir fátæka ekki keyra upp einkaneysluna: „Það er fólkið sem á að éta verðbólguna á fastandi maga“

Gunnar Smári Egilsson segir vaxta­hækk­anir lítil áhrif hafa á kaup­getu þeirra sem eiga það gott.

Rúv sagði frá því í morgun að sala á nýjum bílum ryki upp, þrátt fyrir háa vexti og verð­bólgu. Sós­í­alista­for­ing­inn Gunnar Smári skrif­aði færslu í grúppu flokks­ins á Facebook þar sem hann svarar frétt­inni í stuttu máli.

Bendir hinn skel­eggi sós­í­alisti á að vaxta­hækk­anir hafi lítil áhrif á ríka fólkið en segir að rík­is­stjórnin og Seðla­bank­inn vilji refsa hinum fátæk­ari, sem sé ekki fólkið sem sé að keyra upp einka­neysl­una.

„Vaxta­hækk­anir hafa sára­lítil áhrif á kaup­getu og -vilja þeirra sem hafa það gott í bull­andi góð­æri. 15% vextir í 10% verð­bólgu og 7% hag­vexti er ekki svo vondur díll fyrir þau sem fá til sín afrakstur góð­ær­is­ins. Sumt af því fólki getur meira að segja stað­greitt bíl­anna.

Vaxta­hækk­anir og verð­bólga grefur hins vegar undan þeim sem eru með lágar tekjur og sem hafa fá tæki­færi til að auka tekjur sínar. Það fólk er ekki að keyra upp einka­neysl­una. En það er samt fólkið sem stjórn­völd, rík­is­stjórn og Seðla­banki, vilja refsa. Það er fólkið sem á að éta verð­bólg­una á fastandi maga.“