Vinnuskóli Reykjavíkur tekinn til starfa, launin í óvissu: „Unglingar og foreldrar þeirra undrandi“

Ung­lingar hófu störf hjá Vinnu­skóla Reykja­víkur í dag, 9. júní. Svo óheppi­lega vill til að upp­lýs­ingar um kaup og kjör liggja ekki enn fyrir hjá Vinnu­skól­anum þrátt fyrir að ung­lingar séu þar teknir til starfa.

Á upp­lýs­inga­síðu Reykja­vík­ur­borgar segir um launin ein­fald­lega: Laun fyrir sum­arið 2023 hafa ekki verið ákvörðuð.

Kjartani Magn­ús­syni borg­ar­full­trúa Sjálf­stæð­is­flokks­ins hefur borist nokkrar ábend­ingar vegna máls­ins en Mannlíf ræddi við hann.

„Mér hafa borist ábend­ingar vegna máls­ins enda eru ung­lingar og for­eldrar þeirra undr­andi á því að slíkar lykil­upp­lýs­ingar liggi ekki enn fyrir gagn­vart þessum hópi laun­þega þrátt fyrir að hann sé tek­inn til starfa.“

Síð­ast­lið­inn mið­viku­dag lagði Kjartan fram eft­ir­far­andi fyr­ir­spurn á fundi umhverfis- og skipu­lags­ráðs Reykja­víkur, fyrir hönd full­trúa Sjálf­stæð­is­flokks­ins. Engin svör feng­ust við fyr­ir­spurn­inni að sögn Kjartans.

„Ábend­ingar hafa borist um að laun vegna yfir­stand­andi sum­ars hafi enn ekki verið ákveðin hjá Vinnu­skóla Reykja­víkur. Slíkt er óheppi­legt enda eru aðeins tveir dagar í að nem­endur komi til starfa hjá skól­anum. Margir ung­lingar öðl­ast fyrstu reynslu sína af vinnu­mark­aði hjá Vinnu­skól­anum og æski­legt er að upp­lýs­ingar um kaup og kjör liggi fyrir þegar þeir skrá sig til starfa.
Spurt er:
Af hverju hafa umrædd laun ekki enn verið ákveðin?
Hvenær verða þau ákveðin?“