Páll Steingrímsson skipstjóri og Eva Hauksdóttir lögmaður hans, ræddu við Frosta Logason í hlaðvarpsþættinum Á spjalli með Frosta Logasyni. Þar fóru þau yfir „símamálið“ svokallaða og ræðir Páll á opinskáann hátt um allt því tengdu.
Þar segir Páll meðal annars frá því er kona nákomin honum eitraði fyrir honum í þeim tilgangi að stela síma hans svo starfsfólk RÚV geti afritað síma hans, að hans sögn. Enn stendur yfir rannsókn lögreglu á málinu en nokkrir fyrrverandi starfsmenn RÚV eru með réttarstöðu sakborninga.
Í viðtalinu sagði Páll meðal annars frá eitruninni sem hann varð fyrir. Hann var fluttur á sjúkrahúsið á Akureyri þar sem hann var afar hætt kominn.
„Það var þannig að klukkan 6:30 um morguninn fer ég í fyrsta öndunarstoppið. Og það sagði mér einstaklingur sem var á vakt, hann sagði mér það í desember að ég hefði verið endurlífgaður. Ég hef nú ekki kafað svo mikið ofan í gögnin en ég spurði hann samt, hjúkrunarfræðing á Landsspítalanum, ég sýndi henni þetta og hún sagði „Já, þú hefur dáið“. Og svo er alveg ljóst að ég anda ekki sjálfur. Og það er alveg sama hvað þeir gera við mig, ég anda ekki sjálfur. Og það er tekin ákvörðun um það á Akureyri og trúlega gæti það bjargað lífi mínu, að senda mig til Reykjavíkur. Þar væri bara betri mannskapur og betri tæki. Og þegar er farið með mig út á flugvöll þá eru börnin mín og fyrrverandi tengdamóðir mín kölluð þangað og sagt að kveðja mig.“
Frosti: „Að kveðja þig endanlega?“
Páll: „Já.“
Frosti: „Af því að starfsólkið á sjúkrahúsinu á Akureyri hefur séð þetta sem mjög alvarlegt ástand?“
Páll: „Já. En svo vakna ég bara í Reykjavík. Og það er búið að dæla svo miklum lyfjum í þig. Ég held að fólk skilji ekki alveg að þegar þú ert að vakna eftir svona að það er búið að gera fullt af hlutum og búið að gera mistök, við skulum ekki firra okkur þeirri umræðu. Það voru gerð mistök en ég ætla ekkert að fara að gagnrýna heilbrigðisstarfsfókl, það bjargaði lífi mínu!“
Frosti: „Hvaða mistök voru það?“
Páll: „Það eru ekki geymt lífssýni og mér er ekki trúað. Þó ég væri með skerta meðvitund þá reyndi ég að segja þeim að ég teldi að það hefði verið eitrað fyrir mér. Og það kemur fram í gögnunum.“
Eva Hauks: „Ef ég má skjóta aðeins inn í hérna, það er ekki bara það að Páll hafi orðað þennan grun, heldur kemur það líka fram í gögnunum að heilbrigðisstarfsfólk teldi strax að það væri um eitrun að ræða. Það kemur ekki fram að þeir hafi haldið að honum hafi verið byrlað heldur bara að þetta séu eitrunaráhrif. Það kemur strax fram og þess vegna finnst mér stórfurðulegt að það hafi ekki verið gert neitt í því að ganga almennilega úr skugga með það.“
Frosti: „Var þá bara heilbrigðisstarfsfólkið á Akureyri sem hélt því fram?“
Eva: „Já, það kemur mjög greinilega fram í gögnum, sterkur grunur um það.“
Hægt er að horfa á viðtalið í heild sinni hér.
Fyrir neðan má sjá klippuna:
Athugasemdir