Klaustursmálið kallað Hlerunarmálið: „Skrokkur sem passar utan um typpið á mér“

Bára Hall­dórs­dóttir birti efn­is­lega upp­rifjun á Klaust­urs­mál­inu. Færslan Báru birt­ist á sam­fé­lags­miðl­inum Twitter í kjöl­far hlað­varps­við­tals við Sigmund Davíð Gunn­laugs­son, þar sem hann svarar þátta­stjórn­anda og seg­ist vita hver hafi staðið að baki „Hler­un­ar­mál­inu“ en ætli ekki að gefa það upp. Þar með hefur Klaust­urs­mál­inu verið fundið nýtt nafn þar sem hler­unin er höfuð á hávegum. Í sam­tali þátta­stjórn­anda og Sig­mundar Davíð er því haldið fram að upp­takan hafi verið þaul­skipu­lögð og gerð til að koma höggi á hann.

Bára segir í Twitterfærslu sinni líka vita hver hafi skipu­lagt hana en hún hefur áður tjáð hvernig henni hafi blöskrað orð­ræða þeirra og ákveðið að taka um sam­talið. Bára birtir því næst lista 10 atriða til upp­rifj­unar, jafnt og að hrekja dylgjur Sig­mundar Davíðs og bendir á að engin/n hafi neytt alþing­is­menn­ina til sam­tals­ins og bendir á að orð­ræðan sé aðal­at­riðið.

Upp­rifjun Báru:

1. Hroki valda­stétt­ar­innar. „Þótt við nán­ast öskrum dóna­skap og spill­inga­spjalli yfir fjöl­farin bar, ætti það ekki að hafa neinar afleið­ingar fyrir okkur sem stjórn­mála­menn“

2. Kven­fyr­ir­litn­ing. „Þessi gella var bara kosin af því að hún var nógu sæt, hin er skrokkur sem passar utan um typpið á mér, svo ekki sé minnst á þessa sem er sko meetoo áhætta“

3. For­rétt­inda­blinda. „Viljum sko enga öryrkja í sveita­stjórn eða á þing. Ekkert sem það pakk hefur upp á dekk að gera“

4. Forn­aldar-brand­arar. „Hommar, hahaha!“

5. Fötl­un­ar­for­dómar. „Freyja Eyja“

6. Spilling. „Ég redd­aði þessum og fæ sko mitt fyrir“ (sjá Karl Gauti í stöðu lög­reglu­stjóra Vest­manna­eyja)

7. Karlaklíkan. „Vertu nú ekki að skemma skemmt­un­ina“ Anna Kolbrún skaut einu sinni inn í eitt­hvað til að draga úr galls­anum, en var skotin niður af karli við borðið.

8. Sam­fé­lags­staðan. Ef ég og aðrir hefðum ekki upp­lifað umræðu­efnin á eigin skinni áður, hefði þetta ekki verið upp­töku­vert. Ég þekkti orð­ræð­una sjálf­krafa.

9. Sig­mundur Davíð og hin. Enginn neyddi neinn til að segja neitt þarna inni. Þau völdu umræðu­efnið og stað­inn.

10. Sig­mundur Davíð, Karl Gauti, Anna Kolbrún, Bergþór, Gunnar Bragi og Ólafur. Þau völdu umræðu­efnið og stað­setn­ing­una. Ekkert breytir því, ÞAÐ er aðal­at­riðið, ekki ég eða ein­hverjar sam­sær­is­kenn­ingar. Efni sam­tals­ins á alltaf að vera aðal­fréttin.

Hér að neðan má sjá færslu Báru Hall­dórs­dóttur í heild.