Dánarorsök Ólympíuverðlaunahafa afhjúpuð: „Tori var á toppi heimsins þar til hún var það ekki“

Dán­ar­or­sök Tori Bowie hefur verið kunn­gjörð en hún lést fyrir mán­uði aðeins 32 ára að aldri. Var hún komin átta mán­uði á leið.

Tory, sem vann þrenn verð­laun fyrir Banda­ríkin á Ólymp­íu­leik­unum árið 2016, lést af völdum vand­kvæða sem komu upp við fæð­ingu en hún lést á heim­ili sínu í Flórída 2. maí síð­ast­lið­inn. Fram kemur í krufn­inga­skýrsl­unni að hún hefði verið komin átta mán­uði á leið og hefði verið byrjuð að fæða er hún lést.

Lík Bowie fannst þann 2. maí eftir að lög­reglan í Orange sýslu var beðin um að fram­kvæma vel­ferð­ar­at­hugun á íþrótta­kon­unni en ekki hafði þá heyrst frá henni í nokkra daga, sam­kvæmt tals­manni lög­regl­unnar. Tals­mað­ur­inn sagði að lög­reglan hafi ekki fundið nein merki um eitt­hvað grun­sam­legt á vett­vangi.

Umborðs­skrifs­stofa frjáls­í­þrótta­stjörn­unnar stað­fest and­látið degi seinna, en í Instagram-til­kynn­ing­unni stóð meðal ann­ars: „Við misstum við­skipta­vin, kæran vin, dóttur og systur. Tori var meist­ari… leið­ar­ljós sem skein svo skært!“

Sex árum fyrir and­látið, vann Bowie gull­verð­laun í 4×100 metra hlaupi á Ólymp­íu­leik­unum í Rio De Janeiro árið 2016, ásamt liðs­fé­lögum hennar, Tianna Bar­to­letta, Allyson Felix og English Gardner. Þá vann hún einnig silfrið í 100 metra sprett­hlaupi og brons í 200 metra sprett­hlaupi á sömu Ólymp­íu­leikum.

Jarð­ar­för Bowie var haldin 12 maí í Miss­issippi þar sem hún var syrgð af fjöl­skyldu sinni og nánum vinum.

„Nokkrar mann­eskjur voru beðnar að tala um Tori í jarða­för­inni á laug­ar­dag­inn og í hvert skipti sem talað var um hlaupa­minn­ingu, hugs­aði ég „Ég var þar“,“ sagði Bar­to­letta á Instagram. „Tori var á toppi heims­ins þar til hún var það ekki, ég var það líka. Við stóðum bók­staf­lega þar saman.“

Bar­to­letta deildi því að Bowie hafi „átt erfitt utan hlaupa­braut­ar­innar“ og hafi í síauknu mæli „ein­angrað sig“. Hin 37 ára hlaupa­stjarna hélt áfram: „Ég er þakk­lát fyrir að hafa náð sam­bandi við hana aftur þegar ég sá hana síð­ast. Og mér fannst að ég þyrfti að vera með henni aftur. Ég hafði aðeins einu sinni áður komið til Miss­issippi en ég mundi ekki eftir því. En ég mun seint gleyma þess­ari ferð. Og ég mun aldrei gleyma Tori.“

E News! fjall­aði um málið.