Bendir á tvískinnungshátt Ísraelsstjórnar: „Aðförin að Roger Waters er stjörnugalin“

Kristinn Hrafns­son heldur áfram að halda uppi vörnum fyrir Rogers Waters í Pink Floyd, sem nú sætir ofsóknum vegna listar sinnar.

Kristinn segir:

„Nú hafa zíonistar farið ham­förum yfir Roger Waters í Pink Floyd. Hann var kærður fyrir nas­ista­á­róður með því að klæð­ast leik­bún­ingi úr The Wall, svarta frakk­anum með svart/rauðu kross­lögðu hamrana á boð­ung­unum og upp­hand­leggnum. Þetta þótti svo mikil sví­virða og til marks um gyð­inga­hatur að gyð­ingar kærðu hann og heimt­uðu að tón­leikar hans yrðu bann­aðir.“

Því næst bendir rit­stjór­inn hvít­hærði á tví­skinn­ungs­hátt ísra­el­skra yfir­valda því ísra­elska „tri­bute bandið“ Echoes hefur víða ferð­ast með rokk­óp­er­una The Wall á sviði óáreittir.

„Nú jæja. Eitthvað annað lög­mál virð­ist gilda um ísra­elsku hljóm­sveit­ina Echoes, sem gefur sig út fyrir að vera Pink Floyd „tri­bute band“ an hún hefur túrað víða með rokk­óp­er­una The Wall á sviði. Var meðal ann­ars tekið vel á sviði í Tel-Aviv en á með­fylgj­andio tengli má sjá brot þar sem sögngvari Echos sem er frá Beer Sheva í Ísrael er í gervi ein­ræð­is­herr­ans með öll merki sem nú valda hneikslun og þykja til marks um gyð­inga­hatur.“

Að lokum segir hann aðför­ina gegn Waters „stjörnugalna“.

„Aðförin að Roger Waters er stjörnugalin. Hún er að virka svo vel að Keir Starmer, for­maður Verka­manna­flokks­ins breska hefur lýst yfir þungum áhyggjum yfir gyð­inga­hatri Rogers. Það var einmitt á grunni ásak­ana um gyð­inga­hatur ásamt með kyn­þátta­hatri og kven­hatri sem honum tókst að grafa undan vinstri síðu flokks­ins og fá hana þurrk­aða út úr flokknum með for­dæma­lausum hreins­unum.“