Ungabarn í barnagæslu klórað hrottalega: „Við getum bara ekki sætt okkur við þá útskýringu“

For­eldrar barns í Ástralíu voru „skelf­ingu lostin“ er þau sóttu 10 vikna gamla son sinn frá barna­gæslu en and­lit hans var blóð­ugt og allt út í djúpu klóri.

Móðirin, sem ekki vill koma fram undir nafni, segir að barna­gæslu­stöðin hafi sagt henni að um slys hafi verið að ræða sem hafi gerst er hið nýfædda barn var í skamma stund eft­ir­lits­laus á meðan á bleyju­skiptum stóð.

Sagði hún frétta­miðl­inum 9News, að barna­gæslu­stöðin Only About Children, stað­sett í Melbourne, hafi sagt henni að sonur hennar hafi verið klór­aður af öðru barni.

„Ég fann mik­inn sárs­auka í hjarta mínu, ég vildi ekki einu sinni líta á ljós­mynd­irnar því þær voru svo graf­ískar. Þetta var svo skelfi­legur hlutur sem gerð­ist fyrir son okkar, við gátum ekki sætt okkur við þetta,“ sagði móð­irin og átti þá við ljós­myndir sem teknar voru af honum.

Greyið litla

Þá segir móð­irin að hún trúi því ekki að slíkt hrotta­legt atvik geti verið slys. „Þau sögðu okkur að þetta hafi verið slys en við getum bara ekki sætt okkur við þá útskýr­ingu. Það voru meira en 20 klór­för í and­liti Noah, hvernig getur það hafa gerst fyrir slysni? Við [hún og faðir barns­ins] vorum bæði grát­andi. Við gátum ekki trúað að svo hræði­legur hlutur gerð­ist fyrir son okkar.“

Bætti hún við: „Eig­in­mað­ur­inn minn segir að þetta var klár­lega ekki slys; þetta var barna­mis­notkun.“

Only About Children gaf út yfir­lýs­ingu um atvikið en þar sögð­ust þau einnig vera afar miður sín vegna þess.

„Only About Children tekur öryggi og vel­ferð allra barna í okkar umsjá, mjög alvar­lega og erum sorg­mædd yfir hinu nýlega atvikið sem varð á milli Noah og ann­ars unga­barns,“ segir í yfir­lýs­ing­unni. Þar er haldið áfram: „Okkur skilst, eftir sam­tal við for­eldra Noah eftir atvikið og á meðan hann var að jafna sig, að hann er talin muna ná full­komnum bata og við höfum haldið áfram að bjóða upp á umönnun og fjár­hags­lega aðstoð frá því að atvikið átti sér stað. Þar sem málið er enn í ferli varð­andi for­eldra Noah, getum við ekki gefið frek­ari upp­lýs­inga á þessum tíma­punkti.“

Tals­maður fræðslu­deildar borg­ar­innar segir að þau hafi startað ferli til að skoða atvikið, þar á meðal að end­ur­skoða verk­ferla þegar kemur að bleyju­skiptum.

Móðirin fór með Noah litla á sjúkra­hús þar sem læknar sögðu henni að klór­förin ættu að lag­ast án öra­mynd­unar.

Það var breski frétta­mið­ill­inn Mirror sem fjall­aði um málið.