Veist þú hver býr í eigninni þinni?

Þing­lýstum eig­endum fast­eigna berst til­kynn­ing ef ein­stak­lingur skráir lög­heim­ili í eign þeirra. Sé skrán­ingin röng fellur það á hlut þing­lýsta eig­enda að til­kynna málið, sem þó hafa ekki við­eig­andi upp­lýs­ingar til að útfylla til­gefið skrán­ing­ar­form Þjóð­skrár.

Þing­lýstum eig­anda berst til­kynn­ing þegar ein­stak­lingur skráir lög­heim­ili í eign­inni. Í til­kynn­ing­unni segir:

„Samkvæmt 12. gr. laga um lög­heim­ili og aðsetur nr. 80/2018 skal þing­lýstur eig­andi
hlut­ast til um að skrán­ing lög­heim­ilis ein­stak­linga sem hafa fasta búsetu í hús­næði hans
sé rétt. Þjóðskrá Íslands skal senda til­kynn­ingu í póst­hólf þing­lýsts eig­anda fast­eignar á
Ísland.is um þá sem skrá lög­heim­ili sitt í fast­eign í hans eigu.“

Því næst kemur fram um hvaða eign ræðir og nafn þess nýskráða.

Í til­kynn­ing­unni kemur jafn­framt fram að til­kynna þurfi til stofn­un­ar­innar ef um ranga skrán­ingu sé að ræða:

„Ef ekki er um rétta skrán­ingu að ræða skal til­kynna það til Þjóð­skrár Íslands með því að fylla út flutn­ings­til­kynn­ingu (A-250) sem er að finna á www.skra.is og velja þar aðgerð­ina
„Tilkynna um rangt heim­ili 3ja aðila”.“

Illgerlegt að tilkynna ranga skráningu

Ef skrán­ingin er röng þarf að fylla út áður nefnda flutn­ings­til­kynn­ingu (A-250) og ber þar að rita kenni­tölu þess nýskráða. Þing­lýstum eig­anda berst ein­vörð­ungu nafn þess nýskráða og eru þar af leið­andi upp­lýs­ing­arnar sem Þjóðskrá óskar eftir óþekktar þeim sem ber að til­kynna.

Í sam­tali við Mannlíf segir starfs­maður Þjóð­skrár að inn­an­húss ríki þekk­ing um gall­ann og þessar ógagn­legu leið­bein­ingar og unnið sé í úrbótum.

Til að nálg­ast upp­lýs­ingar um hverjir eru skráðir til lög­heim­ilis í eign­inni þarf þing­lýstur eig­andi að hafa sam­band í gegnum tölvu­póst Þjóð­skrár ([email protected]) og senda afrit af skil­ríkjum sínum til auð­kenn­ingar. Því næst er hægt að fá upp­lýs­ingar um kenni­tölur ábú­enda og eig­andi getur þá fyrst til­kynnt ranga skrán­ingu.