Réði sig sem kokk á báti án þess að kunna að elda: „Kvöldmaturinn fyrsta kvöldið var súr hvalur“

Nýjasti gestur Sjóarans er Eyfirð­ing­ur­inn og verka­lýðs­leið­tog­inn Helgi Laxdal, en hann fór fyrir vél­stjórum og starf­aði í þágu verka­lýðs­mála í 25 ár.

Hann hóf feril sinn til sjós sem kokkur árið 1960. Hann fékk veður af því að það vant­aði kokk á tog­ara en starfið tryggði hann sér hjá skip­stjór­anum um nótt. Hann kunni nákvæm­lega ekk­ert að kokka en eins og hann segir þá er allt svo mikið bjart­ara þegar maður er fullur og engin vanda­mál.

Fyrsti rétt­ur­inn sem hann reiddi fram var ekki merki­legur.

Reynir: „Kunnirðu eitt­hvað?“

„Ekkert. Nákvæm­lega ekki neitt. Hafði aldrei kokkað á ævinni,“ svar­aði Helgi og hló en hann hafði mætt á kven­fé­lags­ball fyrir norðan og beðið þar um vinnu og fengið starf sem kokkur, strax þá um nótt­ina.

Reynir: „Og hvernig hugs­að­irðu þetta?“

„Ég hugs­aði þetta ekk­ert, ég hafði smakkað alkohól og þú veist hvernig heim­ur­inn verður þá. Það er allt svo bjart þegar maður er fullur, það eru engin vanda­mál.“ sagði Helgi og hló aftur.

Daginn eftir vakn­aði Helgi og mundi þá að það væri búið að ráða hann sem kokk um borð í báti og var hann lengi að ríf­ast við sjálfan sig hvort hann ætti að láta slag standa eða ekki. Ákvað hann að end­ingu að gef­ast ekki upp og prófa þetta.

Ekki var fyrsta mál­tíðin sem hann útbjó merki­leg.

„Kvöld­mat­ur­inn fyrsta kvöldið var súr hvalur,“ sagði Helgi og skellti upp úr. „Það var nú ekki merki­legra.“

Reynir: „Hvernig stóð á því?“

Helgi: „Það var þægi­leg­ast að elda hann eða þurfti ekk­ert að elda hann.“

Reynir: „Nei, þú varst bara með súran hval og skarst hann niður?“

Helgi hlæj­andi: „Akkurat.“

Reynir: „Hvað sögðu karl­arnir við því?“

Helgi: „Ja, þetta voru fínir karlar og vissu að hæfi­leikar mínir voru ekki miklir.“

Reynir: „Varstu þá með kart­öflumús með þessu?“

Helgi: „Ekkert, brauð bara og súran hval. Við fórum svo seint af stað, þetta var svona næt­ur­réttur.“

Viðtalið má sjá í heild sinni hér á efn­isveitu Mannlífs.