Helga Vala útilokar ekki sakamálarannsókn á bankasölunni: „Hún er ekki eini gerandinn í þessu máli“

Helga Vala Helga­dóttir þing­kona Sam­fylk­ing­ar­innar segir að Birna Ein­ars­dóttir, frá­far­andi banka­stjóri Íslands­banka, ekki sú eina seka í banka­söl­unni umdeildu.

„Það kemur mér ekki á óvart að stjórn taki ákvörðun um að hún fari úr stóli banka­stjóra. Það er auð­vitað einn liður í því að reyna að koma í veg fyrir frekara tjón á bank­anum, að gengi og virði bank­ans lækki. Af því að þetta snýst nátt­úru­lega allt um traust,“ sagði Helga Vala Helga­dóttir í sam­tali við Mannlíf, aðspurð um afsögn Birnu Ein­ars­dóttur í nótt.

Mannlíf spurði Helgu Völu hvort afsögn Birnu sé nóg.

„Þetta er bara einn hlekkur í keðj­unni, það blasir alveg við. Við vitum nú að það voru fleiri þátt­tak­endur þarna inn­an­húss en banka­stjór­inn en þetta er mjög skilj­an­legt fyrsta útspil að banka­stjór­inn sjálfur víki. Hlut­hafa­fund­ur­inn á auð­vitað eftir að eiga sér stað og maður á alveg von á því að það muni fleiri víkja á næstu dögum. En það sem eftir stendur í þessu öllu er auð­vitað í fyrsta lagi aðrir sölu­að­ilar sem komu að þessu útboði. Í öðru lagi er þetta nátt­úru­lega bara sátt­ar­plagg milli Fjár­mála­eft­ir­lits­ins og bank­ans sjálfs. Nú eigum við eftir að sjá hvort það þyki til­efni til að það hefj­ist bein saka­mála­rann­sókn, það er að segja hvort FME vísi mál­inu til hér­aðs­sak­sókn­ara. Ein­hverja anga þess af því að þetta var auð­vitað bara bank­inn sem þurfti að greiða þessa sekt. Það tekur ekki út mögu­lega refsi­á­byrgð ein­stak­linga. Og í þriðja lagi er það auð­vitað póli­tíkin. Og þar er krafan bara skýr og við kvikum ekki frá þeirri kröfu, sem við höfum haldið á lofti frá fyrsta degi, að það fari fram almenni­leg rann­sókn, það er að segja á öllum þáttum máls­ins og rann­sókn­ar­nefnd Alþingis verði sett á stofn. Nú er ég ekki að segja að rann­sókn FME eða vinna rík­is­end­ur­skoð­anda sé ekki almenni­leg, ég er bara að tala um að hún tak­mark­ist við ákveðna þætti. Ég á við til dæmis hvað átti sér stað inni í ráðu­neyt­inu? Við hverja var rætt? Og fleira slíkt.“

Mannlíf minnt­ist á yfir­lýs­ingu Birnu frá því í nótt þar sem hún virð­ist skjóta létt á ráð­herra er hún segir „Umræðan hefur verið óvægin og ýmsum stjórn­mála­mönnum hefur verið tíð­rætt um afsögn mína. Ég óska þeim vel­farn­aðar í þeirra störfum.“

Varðandi þetta sagði Helga Vala: „Já, já hún gerir það. Það er alveg ljóst að hún fer ekki burt án þess að senda pílu. Og maður verður að hafa ákveð­inn skiln­ing á því. Hún er ekki eini ger­and­inn í þessu máli.“