Lögreglan elti uppi og náði bílþjófum og fleira kom í ljós

Það hlóp á snærið hjá lög­reglu­mönn­unum sem eltu uppi bíl­þjófa í Reykja­vík. Tilkynnt var um þjófnað á bif­reið og komst lög­reglan fljótt á sporið og stöðv­aði þjóf­ana. Þá kom á dag­inn að þetta var sama fólkið og hafði verið að verki í öðru þjófn­að­ar­máli. Þarna voru því slegnar tvær flugur í einu höggi.

Nokkuð var um grun­sam­legar manna­ferðir í umdæmi lög­regl­unnar í nótt.  Lögregla fór á vett­vang í einu slíku máli þar sem dul­ar­fullar manna­ferðir komu við sögu. Menn­irnir fund­ust ekki þrátt fyrir eft­ir­grennslan. Lögreglu var til­kynnt um grun­sam­legar manna­ferðir þar sem aðilar voru að kíkja í garða um miðja nótt. Lögregla fór á vett­vang en garða­krimm­arnir voru farnir af vett­vangi þegar til kom. Á öðrum stað og tíma var aðili í ann­ar­legu ástandi til vand­ræða. Lög­reglan kom en sá ann­ar­legi var horf­inn. Þá var til­kynnt um öku­mann með bar­efli sem vænt­an­lega var til alls lík­legur. Bæði meintur fantur og bif­reið hans voru horfin þegar til kom. Um sama leyti var til­kynnt um mann í ann­ar­legu ástandi á veit­ing­ar­stað í Hafn­ar­firði. Hann neit­aði að yfir­gefa stað­inn og var til vand­ræða. Lögregla brá skjótt við, fór á vett­vang, en mað­ur­inn var þá horf­inn spor­laust.

Sofandi gleðimaður

Gleði­maður nokkur gafst upp á næt­ur­líf­inu í nótt og ákvað að fá sér lúr á tröppum. Með­vit­aðir borg­arar létu lög­reglu vita sem mættu á stað­inn og vöktu mann­inn. Þeim svefn­drukkna var síðan ekið heim til sín og mál­inu lauk far­sæl­lega

Lögregla sinnti veit­ing­ar­húsa­eft­ir­liti þar sem flestir staðir voru tril fyr­ir­myndar. Aðeins reynd­ist vera eitt skemmt epli. Einn staður verður kærður fyrir brot á lögum um veit­ing­ar­staði, gisti­staði og skemmt­ana­hald.

Á svæði Hafn­ar­fjarð­ar­lög­reglu var til­kynnt um lík­ams­árás. Fórn­ar­lambið var flutt á bráða­mót­töku og er lík­lega nef­brotið. Málið er í rann­sókn og stefnt að því að koma lögum yfir ofbeld­is­mann­inn.

Tilkynnt um rúðu­brot íí fjöl­býl­is­húsi, lög­regla fór á vett­vang og ræddi við vitni sem kváð­ust vita hver ger­andi væri. Þá var um bif­reið skemmd um svipað leyti á öðrum stað Vitni töldu sig þekkja skemmd­ar­varg­inn.

Nokkrar til­kynn­ingar voru um sam­kvæm­is­há­vaða, lög­regla sinnti þeim verk­efnum af alúð.

Ökumaður hand­tek­inn vegna gruns um akstur undir áhrifum fíkni­efna. Hann fluttur á lög­reglu­stöð þar sem dregið var úr honum blóð. Hann var lát­inn laus að því loknu.

Tilkynnt um umferð­ar­ó­happ, lög­regla fór á vett­vang og ræddi við öku­menn.