Berserkur braut rúðu

Ölæðið greip margan mann­inn seinnipart gær­dags og í nótt.  Lög­regl­unni bár­ust tals­vert margar til­kynn­ingar og beiðnir um að hafa heimil á óstýr­látum. Meðal ann­ars einn ber­serkur i í múr­steinakasti. Sá hafði með athæfi sínu brotið rúðu í húsi. Lög­reglan mátti mæta og stað­inn og afgreiða málið á staðnum.

Þá var óvel­kom­inn ein­stak­lingur að reyna að koma sér inn í íbúð. Þegar lög­reglan gaf sig á tal við hann kom það í ljós að hann átti erindi í umrædda íbúð. Einnig ósk­uðu dyra­verðir eftir aðstoð lög­reglu vegna ofurölv­aðs aðila sem var til vand­ræða á ölhúsi í mið­bænum. Lista­maður mátti leita á náðir lög­regl­unar þegar honum tókst ekki að banda frá þér einum pöddu­fullum.  Þeim ölv­aða var vísað á brott af lög­reglu.

Lögregla hafði eft­ir­lit með rétt­indum dyra­varða á skemmti­stöðum borg­ar­innar. Á einu ölhúsi voru tveir án gildra rétt­inda og var rekstr­ar­að­ila gert að bæta úr því.

Tilkynnt um þjófnað þar sem aðili fór inn á starfs­manna­svæði á veit­inga­stað og stal þaðan munum. Málið til rann­sóknar hjá lög­reglu. Einnig var til­kynnt um þjófnað úr verslun, meintir sak­born­ingar undir lög­aldri og málið í við­eig­andi ferli. Tilkynnt um þjófnað úr versl­unum í hverfi 103 þar sem sami aðili átti að hafa stolið munum. Málið til rann­sóknar.

Lögregla var með umferð­ar­eft­ir­lit þar sem fylgst var með of hröðum akstri. Sjö öku­menn voru kærðir og eiga von á sektum. Til­kynn­ing barst lög­reglu um umferð­ar­ó­happ þar sem ekið var á kyrr­stæða bif­reið. Ökumaður var tal­inn vera undir áhrifum áfengis og hann hand­tek­inn grun­aður um akstur undir áhrifum áfengis. Þá var hann vistaður í fanga­geymslu vegna máls­ins. Ekki urðu slys á fólki.

Tilkynnt um eld bæði í efra og neðra Breið­holti í gær. Annars vegar var um að ræða varð­eld í garði. Þar var hús­ráð­anda gert að slökkva í eld­inum. Hins vegar í neðra Breið­holti var til­kynnt um eld í kofa. Þangað mætti lög­regla ásamt slökkvi­liði.