Pylsuárás í Laugardalnum: „Ég held að þetta sé einhver hefndarstarfsemi“

Pylsum og hveiti var dreift um garð í Laug­ar­dalnum í gær­kvöldi af ung­lings­stúlkum og grunur leikur á að um hefnd­ar­verk sé að ræða.

„Ég var niður í kjall­ara að hengja upp þvott og þá sá ég krakka laum­ast inn í garð­inn en ég var ekk­ert að pæla í því. Svo fór ég upp og þá sögðu synir mínir að þeir hefðu séð krakka að hlaupa út úr garð­inum. Við fórum út og þá voru bara pulsur og hveiti út um allt,“ sagði eig­andi garðs­ins um hvernig málið atvik­að­ist í gær­kvöld en þessi óvænti gjörn­ingur gladdi fugla hverfs­ins mjög mikið. 

„Þetta var meira en einn [pylsu­pakki]. Það er búið að vera veisla hérna í morgun hjá fugl­unum.“

Eig­and­inn og synir hans eru þó með á tæru hvað stelpur þetta voru.

„Synir mínir þótt­ust vera nokkuð vissir um hvaða stelpur þetta væru og löbbuðu hérna upp Kambs­veg­inn og fundu þær. Þetta eru stelpur sem eru í 8. og 9. bekk eins og sonur minn. Eldri sonur minn er 18 ára og hann tal­aði við þær og sagði þeim að gjöra svo vel að koma þrífa þetta. Þær neit­uðu nú öllu en þær voru í sömu föt­unum og allt.“

„Ég held að þetta sé ein­hver hefnd­ar­starf­semi,“ sagði eig­andi garðs­ins og telur hann að þetta snú­ist um að yngsti son­ur­inn sé kom­inn með nýja kær­ustu og stelp­urnar séu ekki sáttar með það.

„Hann var með stelpu fyrir ári síðan og svo hætti hann með henni. Svo er hann nýbyrj­aður að hitta nýja stelpu núna og það er búið að vera drama út af því. Mikið af ljótum skila­boðum á sam­fé­lags­miðlum.“

Eigandi garðs­ins seg­ist vera íhuga að heyra for­eldrum stelpn­anna.