Einn vinsælasti hverfisbar Íslands hefur nú verið settur á sölu.
Skemmtistaðurinn Moe’s Bar í Breiðholti er til sölu og mögulegt fyrir fólk að kaupa sögulegan bar sem hefur skipt sköpum í menningarlífi Efra-Breiðholts árum saman. Staðurinn hefur stundum verið nefndur Cheers Íslands. Barinn hefur verið starfandi undir nafninu Moe’s Bar frá árinu 2007 en þar á undan voru staðirnir Big Ben Sportbar og Jói Risa starfandi í sama húsnæði. Hægt er að kaupa staðinn á 99 milljónir.
Moe’s Bar komst í fréttirnar í október 2022 þar sem hrottaleg árás átti sér stað fyrir utan staðinn þar sem manni var sparkað niður 23 tröppurnar fyrir utan barinn og varð til þess að fórnarlambið hlaut varanlegan heilaskaða. Árásarmaðurinn Óskar Andri Jónsson var í júní dæmdur í þriggja ára fangelsi fyrir árásina.
Hægt er að skoða myndir og sölulýsingu af Moe’s Bar hér
Athugasemdir