Þjófar settu mark sitt á nóttina og störf lögreglunnar á höfuðborgarvæðinu í gærkvöld og nótt. Hæst bar þjófnaði á rafmagnshlaupahjólum. Meintur þjófur var staðinn að verki við að bera nokkur rafmagnshlaupahjól inn í húsnæði. Rafmagnshlaupahjólin voru haldlögð. Málið í rannsókn. Öllu smátækari þjófur var gripinn með reiðhjól í fanginu. Háttalag mannsins vakti grun lögreglu um að þarna væri þýfi á ferð. Maðurinn var handtekinn og játaði hann að hafa stolið reiðhjólinu. Hjólið var haldlagt.
Í austurborginni var tilkynnt um innbrot á heimili þaðan sem verðmætum var stolið. Málið í rannsókn. Þá lét búðarþjófur greipar sópa í matvöruverslun. Tilkynnt var um grunsamlegar mannaferðir við fyrirtæki. Aðilarnir fundust ekki.
Góðu fréttir næturinnar vor þær að stálheiðarlegir ferðamenn fundu veski með peningum og greiðslukorti og skiluðu til lögreglu. Eigandinn brást hinn glaðasti við eftir að því var skilað til hans.
Á svæði Hafnarfjarðarlögreglunnar var tlkynnt um ökuþóra mótorhjóla vera að aka utan vega. Óljóst er hverjar afleiðingar verða fyrir umhverfisníðingana.
Tilkynnt um ökumann bifreiðar sem var að neyta fíkniefna. Hann fannst ekki við eftirgrennslan.
Útkall var vegna elds í íbúð í úthverfi borgarinnar. Ljósan reyk og brunalykt barst frá íbúðinni. Enginn eldur reyndist vera en munur hafði gleymst á eldavél. Slökkviliðið reykræsti heimilið.
Ökumaður stöðvaður þar sem hann ók langt yfir hámarkshraða. Hann reyndist vera án ökuréttinda.
Athugasemdir