Fjármálaráðherra skýtur á Seðlabankann: „Ekki til þess að auka mjög trú mína“

Bjarni Bene­dikts­son, fjár­mála­ráð­herra, segir að Seðla­banki Íslands hafi misst trú­verð­ug­leika.

Fjár­mála­ráð­herra var til við­tals í Dagmálum á mbl.is þar sem hann setti fram margs­konar gagn­rýni í garð Seðla­bank­ans og bar­áttu hans við verð­bólgu.

„Seðla­bank­inn verður að spyrja sig hvort hann hafi náð, í gegn­um þess­ar miklu svipt­ing­ar sem orðið hafa, að við­halda trú­verðug­leika sín­um […] Mér finnst mjög skýrt sagt að bank­inn tali ekki nægi­lega skýrt um að hann hafi tól sem hann ætli að nota og muni virka. Þegar bank­inn vís­ar ábyrgð­inni á vaxta­hækk­un­um á ein­hverja aðra aðila í hag­kerf­inu þá er það ekki til þess að auka mjög trú mína eða ann­arra held ég á því að bank­inn trúi því sjálf­ur að tól­in hans virki til þess að ná ár­angri,“ sagði Bjarni um málið en Bjarni kynnti í gær til­lögur um hvernig stæði til að ná meiri hag­ræð­ingu í rík­is­rekstri. Í sumum til­fellum stendur til að fækka starfs­fólki með upp­sögnum og ráða ekki í störf sem losna. Þá verður líka reynt að draga úr ferð­kostn­aði starfs­manna og vandað til verka við inn­kaup.