Nafn konunnar sem lést á Vopnafirði

Nafn kon­unnar sem lést á smá­báta­höfn­inni á Vopna­firði í gær hét Violetta Mitsul. Var hún 26 ára gömul.

Blessuð sé minn­ing Violetu

Til­kynn­ing barst lög­regl­unni á Aust­ur­landi í gær­morgun um að kona á þrí­tugs­aldri hafi fallið fram af klettum við smá­báta­höfn­ina á Vopna­firði. Var hún úrskurðuð látin er við­bragðs­að­ilar mættu á vett­vang.

Einherji birti til­kynn­ingu um málið en Violetta var knatt­spyrnu­leik­maður liðs­ins. „Það er með djúpri sorg í hjarta sem við til­kynnum um svip­legt frá­fall leik­manns okkar, liðs­fé­laga og vin­konu, Violettu Mitsul sem lést af slys­förum aðfara­nótt 4. sept­em­ber, aðeins 26 ára gömul. Sam­fé­lagið á Vopna­firði er harmi slegið.“

Þar kemur fram að Violeta, sem fædd­ist 3. apríl árið 1997 í Móldóvu, hafi gengið til liðs við Einherja síð­ast­liðið vor og að hún hafi gegnt lyki­hlut­verki í liði meistar­flokks kvenna í sumar. Þar er henni lýst á afar fal­legan hátt: „Violetta var góð­hjörtuð, dug­leg og brosmild. Hún var traustur liðs­maður og fyr­ir­myndar fót­bolta­kona. Andlát hennar er okkur öllum mikið áfall og skarðið sem hún skilur eftir sig stórt. Hugur okkar er hjá liðs­fé­lögum hennar og þjálf­urum sem syrgja traustan Einherja.“

Söfn­un­ar­reikn­ingur fyrir fjöl­skyldu Violettu hefur verið stofn­aður í nafni félags­ins:

610678-0259
0178-05-000594

Ung­menna­fé­lagið Einherji