Forstjóri vorkennir bankastjóra: „Farið mjög harka­lega með hana“

Marínó Örn Tryggva­son, fyrrum for­stjóri Kviku, vor­kennir Birnu Ein­ars­dóttur, fyrrum banka­stjóra Íslands­banka.

For­stjór­inn fyrr­ver­andi var gestur í hlað­varps­þætt­inum Chess after Dark og ræddi meðal umræðu sem var um stjórn­endur Íslands­banka í sam­hengi við sölu bank­ans en eins og hefur verið alþjóð veit var mjög illa staðið að sölu bank­ans og fékk bank­inn mjög háa sekt fyrir slæm vinnu­brögð.

„Mér sjálfum fannst farið mjög harka­lega um stjórn­endur og starfs­menn Ís­lands­banka. Ég hugs­aði um kollega minn fyrr­ver­andi, hana Birnu [Einars­dóttur], þar sem mér fannst farið mjög harka­lega með hana fyrir að mínu mati litlar sakir hjá henni,“ sagði Marinó um málið en Við­skipta­blaðið greindi fyrst frá. Birna Ein­ars­dóttir, fyrrum banka­stjóri Íslands­banka, sagði af sér eftir mikla gagn­rýni en sam­kvæmt starfs­loka­samn­ingi hennar fær hún tæp­lega 60 millj­ónir þrátt fyrir að hafa klúðrað sölu bank­ans.

„Mér finnst sam­fé­lagið hafa farið mjög ó­sann­gjörnum höndum um stjórn­endur Ís­lands­banka, mér finnst menn hafa gengið allt­of langt í því. Þarna voru jú brota­lamir og Ís­lands­banki hefur viður­kennt það. En mér finnst við­brögðin úr öllu hófi við til­efnið.“

„Manni finnst um­ræðan um þetta vera því miður á allt­of lágu plani,“ sagði Marinó og vís­aði þar til ákveð­inna stétt­ar­fé­laga á land­inu. „Það er voða­lega slæmt ef um­ræða í sam­fé­lagi um mál sem skipta miklu máli er allt­of grunn.“