Miðbaugsmaddaman starfar ennþá á Íslandi: „Íslenskir karlmenn eru graðir. Mjög graðir“

Catalina Ncogo, oft nefnt Svarta Perlan og Mið­baugs­maddaman, er með starf­semi á land­inu.

Árið 2009 komst Catalina Ncogo í frétt­irnar fyrir að halda úti vænd­is­starfs­semi í næsta húsi við lög­reglu­stöð­ina í Hverf­is­götu. Óhætt er að segja að umfang starfs­sem­innar hafi stærra en áður hafði sést á Íslandi. Í nýjum þætti Eft­ir­mála rifjar hún upp málið ásamt öðrum sem komu nálægt því á sínum tíma.

„Ég er að lifa líf­inu, ég er ham­ingju­söm, ég er hætt að drekka og nota kókaín,“ sagði Catalina í sam­tali við Eftirmál um hver staðan á henni væri í dag.

„Lífið mitt í dag? Ég bý í Hollandi og er að plana að koma aftur til Íslands, ég vil búa á báðum stöðum. En ég þarf að koma fyr­ir­tæk­inu mínu af stað hérna og það kostar mikla vinnu,“ sagði Catalina. „Ég er að gera það sama og áður, ég er með stelpur og ég er með hús­næði og það er allt eins og ég vil hafa það,“ og seg­ist vera með tvær vænd­is­konur á sínum snærum á Íslandi.

„Auðvitað, þessi starf­semi er ekki að fara neitt, starf­semin er ennþá á Íslandi. Íslenskir karl­menn eru graðir. Mjög graðir,“ sagði hún og sér fram á að halda áfram á sömu braut í fyr­ir­sjá­an­legri fram­tíð.